Elbasy Nursultan Nazarbaevtyń Jarlyǵymen 2019 jyl – «Jastar jyly» dep jarıalanǵany belgili. Osyǵan oraı, elimizdiń barlyq óńirlerinde jastarǵa arnalǵan túrli bastamalar qolǵa alynyp, ıgi sharalar uıymdastyrylýda. Sonyń ishinde, ásirese jastardy jumyspen qamtý máselesine toqtalar bolsaq, bul baǵytta Jambyl oblysynda da atqarylyp jatqan sharýalar az emes ekenine kóz jetkizýge bolady.
Jambyl oblysyndaǵy jastar jergilikti halyqtyń 21,2 paıyzyn quraıdy. Iaǵnı, oblysta barlyǵy 239 151 jas bolsa, olardyń ishinde qalada turatyny 89 577 adam, ıaǵnı 37,5 paıyz, aýyldyq eldi mekende 149 574 adam, ıaǵnı 62,5 paıyz. Jalpy, jastardyń 92 424-i bilim alsa, 6 935-i jumyssyz jastar,
19 132 NEET jastar, 57 400-i óz betimen jumyspen qamtylǵandar jáne
63 260-i túrli salada jumys jasaıtyndar.
Oblys boıynsha jastar arasyndaǵy jumyssyzdyq deńgeıi 2018 jyly 2,9 paıyzdy qurady. Respýblıka boıynsha bul kórsetkish − 3,8 paıyz. Bul basqa óńirlermen salystyrǵanda eń tómengi kórsetkishterdiń biri. Jalpy, Jambyl oblysy ákimdiginiń jastar saıasaty máseleleri basqarmasy tarapynan jastardy áleýmettendirýge basymdyq berilip, osy baǵytta tıisti ýákiletti organdarmen jáne Taraz qalasy men aýdan ákimderi arasynda naqty mejeler aıqyndalǵan 11 ındıkatorlyq kórsetkishter belgilengen. Onyń jeteýi jastardy jumyspen qamtýdyń belsendi sharalaryna tartýǵa baǵyttalǵan. Olar vakanttyq bos jumys oryndaryna; «Jastar tájirıbesine»; áleýmettik jumys oryndaryna; aqyly qoǵamdyq jumystarǵa tartý, kásibı oqýdan ótkizý, kásipkerlik negizderine oqytý, shaǵyn nesıelendirý bolyp tabylady. Bıylǵy jyly 11 myńǵa jýyq jas jumyspen qamtýdyń belsendi sharalaryna tartylmaq. Aǵymdaǵy jyldyń 1 mamyryna 4 myńǵa jýyq (naqty sany 3905) jas jumyspen qamtýdyń belsendi sharalaryna tartyldy. Olardyń 1429-y vakanttyq bos jumys oryndaryna ornalassa, 65-i qysqa merzimdi kásibı oqytýǵa, 1394 túlek jastar tájirıbesine, 241-i áleýmettik jumys oryndaryna, 619-y aqyly qoǵamdyq jumystarǵa joldandy. Al, 152 jas «Bıznes-bastaý» jobasymen kásipkerlik negizderine oqytýǵa joldanyp, 5-eýi ótken jyl qarjysy esebinen shaǵyn nesıe aldy. Jalpy, bıyl óńirde 12 bos jumys oryndary jármeńkesi ótip, oǵan 175 jas tartylǵan. Nátıjesinde 38 jas joldamaǵa ıe boldy. Osylaısha, jastardy jumyspen qamtý baǵytynda birshama nátıjeli jumystar atqarylýda deýge bolady. Al «Jastar jyly» retinde jarıalanǵan bıylǵy jyl oń ózgeristerge toly bolaryna senim mol.
Dýlat Aıtbaı
