Juma kúni Máskeý qalasynda óner juldyzdary arasynda fýtboldan álem chempıonaty bastaldy. Bul jarysqa Qazaqstannyń ánshi-akterlerden quralǵan «Alataý» komandasy qatysyp jatyr.
Qazaqstan toptyq kezeńniń alǵashqy týrynda kórshi Qyrǵyz eliniń ártisterimen kezdesti. Bul oıyn 2:2 esebimen teń aıaqtaldy. Endi búgin Ońtústik Koreıa juldyzdarymen kezdesedi.
Qazaqstan quramasynyń qaqpasyn buryn ózi de kásibı fýtbolshy bolǵan Abdýlkarım Karımov kúzetýde. Sondaı-aq kez kelgen ýaqytta ony almastyrýǵa RIN’GO tobynyń ánshisi Batyr Baınazarov pen «Tartý» múshesi Raıym Tynyqov daıyn.
Qorǵanys shebinde Erlan Álimov, Mels Saǵatuly, Abaı Jańsarbaev, Medet Kójekbaev, Ǵadilbek Janaı, Qazbek Qojahmetov, Kenjebek Janábilov, Arman Qonyrbaev Evgenıı Gartýng óner kórsetedi.
Jartylaı qorǵanysta Sultan Kúntýǵan, Ǵalymjan Arystanbekuly, Aıan Bóribaev, Jubanysh Jeksenuly, Ádiljan Omarov, Dáýren Seıitjan, Táýekel Músilim, Ádilbek Sarbaev, Ilás Harov bar.
Shabýyl shebin komanda kapıtany Muqasan Shahzadaev Nurlan Qonysbaev, Rysbek Atashev, Sáken Maıǵazıev, Meırambek Bespaev Danıar Ótegen Valerıı Iablochkın quraıdy.
Alǵashqy oıynǵa «Mýzart» tobynyń músheleri Sáken Maıǵazıev, Meırambek Bespaev jáne Nurjan Kermenbaev sıaqty tanymal ánshiler qatysa almady. Endi, olar búgin Ońtústik Koreıamen bolatyn oıynda alańǵa shyǵady dep kútilýde.
Álem chempıonatyna jalpy sany 16 komanda qatysyp jatyr.
A toby: Rýmynıa, Nıderlandy, Slovakıa, Ulybrıtanıa. B toby: Qyrǵyzstan, Germanıa, Qazaqstan, Ońtústik Koreıa S toby: Reseı, Italıa, Estonıa, Slovenıa. D toby: Izraıl, Belorýssıa, Túrkıa, Japonıa.
Bul machtardy Reseıdiń «Nash fýtbol» arnasy tikeleı efırden kórsetip jatyr. Sondaı-aq Qazaqstannyń «Jetinshi arnasy» qaıtalaýyn kórsetedi.
Aıta keteıik, juldyzdar arasyndaǵy álem chempıonaty osymen besinshi ret uıymdastyrylyp jatyr. Bul jarysta ártister fýtbol oınaýmen shektelip qalmaıdy. Qaıyrymdylyq sharalry uıymdastyrylady. Qoldary bos kezde ár túrli konserttik sharalarǵa qatysady. Odan túsken qarajat naýqas balalardy emdeýge jumsalady.
baq.kz
Pikir qaldyrý