İssapar kezinde memleket basshysy «Bolashaq» munaı jáne gaz óńdeý zaýytyna, «ARES PetroTechnic joǵary kolejine» bardy. Sondaı-aq,  óńir jurtshylyǵymen kezdesti.

Atyraýdaǵy issapar kezinde prezıdent birqatar máselelerdi aıtty dep habarlaıdy Qamshy.kz aqparat agenttigi. Ol týraly Áýesbaıdyń Qanaty feısbýk paraqshasynda jazdy.

Biliktilik deńgeıi teń sheteldik jáne jergilikti jumysshylarǵa birdeı jalaqy tóleý máselesin baqylaýǵa alý kerek.
Birdeı jumysqa ártúrli jalaqy tóleýge jol berýge bolmaıdy.

Jergilikti ónim óndirýshiler úshin teń quqyly jaǵdaı jasaý.
Qazir salyq jáne basqa da búdjettik tólemder boıynsha tek sheteldik jetkizýshilerge jeńildik bar. 
Sonyń kesirinen, bizdiń kásipkerler baıqaýǵa qatysýǵa áreket te jasamaıdy, sebebi, odan esh paıda joq ekenin biledi.

Kaspııdegi bekire tuqymdas balyqtar jyl ótken saıyn azaıyp barady. 2012 jyly biz bekire balyqtaryn aýlaýǵa tolyq tyıym saldyq, soǵan qaramaı bekire 2 ese, shoqyr 7 ese azaıdy. Aýyl sharýashylyǵy mınıstrligi men ákimdik bul máselege basa nazar aýdaryp, Atyraýdaǵy balyq sharýashylyǵyn qaıta jańǵyrtýy tıis.

Oblysta jemqorlyqqa qarsy kúres saıasatyn kúsheıtý kerek.
Jemqorlyqty joıý barlyq deńgeıdegi ákimder jumysynyń negizgi kórsetkishi bolady.

Atyraý ekologıasy tek oblystyń ishki máselesi emes, ony sheshýge barlyǵymyz bir kisideı jumylýymyz kerek. Bul - meniń negizgi qaǵıdamnyń biri. Kaspııdegi tehnologıalyq qaýipsizdik jaı ǵana álemdik deńgeıde emes, álemdegi eń úzdik deńgeıde bolýy shart.

Naǵyz sapaly jol qandaı bolýy kerek?
Eń aldymen, sol joldy paıdalanatyn turǵyndardy dittegen jerine tez, jyldam aparatyn qaýipsiz jol bolýy tıis. Jóndelgen joldyń sany emes, sapasy mańyzdy!

Jaıyq pen Qıǵash ózenderiniń sýy tartylyp barady. Jaıyqtyń sý resýrstaryn saqtaý, qorǵaý jáne qalpyna úshin Reseımen yntymaqtastyqty nyǵaıta túsý qajet. Men bul jumysqa ózim kirisemin.

Otandyq jumys berýshilerdiń 70 paıyzy kolej túlekteriniń bilimine kóńil kóńili tolmaıdy. Al sheteldik kompanıalardyń jumysshylarǵa qoıatyn talaptary joǵary. Sondyqtan óńirde munaı-gaz salasy úshin biliktiligi joǵary jergilikti mamandardy daıarlaýdy qolǵa alý kerek. Onyń bir amaly - qazirgi kolejderdiń bazasynda biliktilik ortalyqtaryn qurý.