Rıana esimimen tanymal amerıkalyq ánshi Robın Rıana Fentı álemdegi eń baı ánshi áıel atandy dep habarlaıdy Qamshy.kz aqparat agenttigi TASS silteme jasap. Onyń áleýeti 600 mln dollarǵa baǵalanǵan.

Rıana álemdegi eń baı áıelderdiń tiziminde 37 orynǵa ıe bolyp, óziniń Madonna (39-oryn, 570 mln dollar), Beıonse (51-oryn, 400 mln dollar) sekildi tanymal áriptesterin basyp ozǵan.

Forbes jýrnaly mamandarynyń málimdeýinshe, Rıananyń basty tabys kózi fransýzdyq LVMH – Louis Vuitton Moet Hennessy brendimen seriktestik nátıjesinde túsedi eken. LVMH brendi 2017 jyly Rıana negizin qalaǵan Fenty Beauty kosmetıkalyq kompanıasyn satyp aldy. Kompanıa jumysyn bastaǵan alǵashqy aptalarda-aq satylym kólemin 100 mln dollarǵa jetken. Kompanıanyń az ýaqytta úlken nátıjege qol jetkizýine Rıananyń tanymaldyǵy men Instagrammdaǵy 71 mıllıon oqyrmany septigin tıgizdi. Halyqaralyq jýrnaldyń baǵalýynsha, Fenty Beauty kompanıasy tanymal ánshige ótken jyly 570 mıllıon dollar paıda ákelgen.

Esterińizge sala keteıik, Rıana osyǵan deıin LVMH kompanıasymen birigip, Fenty sán úıin ashatyny týraly aıtqan bolatyn. Atalmysh brend kıim, aıaq kıim, aksesýarlar jáne áshekeı buıymdar jasaýmen aınalyspaq.