Elimizdegi kezekten tys prezıdent saılaýynyń dúbirli datasy taıaǵan saıyn ult qaıratkerleri, aqyn-jazýshylar, zıaly adamdar aıtysyp qalýda. Belgili alashtanýshy, jazýshy Tursyn Jurtbaıdyń saılaý qarsańynda bildirgen pikirin Qamshy.kz aqparat agenttigi ıýtýbtaǵy Qajet arnasyna silteme berip jarıalaıdy. 

–Áı, aınalaıyndar! Jansyz qýyrshaq ta sahnaǵa shyǵady ǵoı. Jansyz qýyrshaq solaı keıip tanytady ǵoı. Qaıda? Qosanovtan basqalary qaıda? Olar ne úshin túsip otyr?, - dep ashyna saýal tastady Tursyn Jurtbaı.

Alashtanýshy azamattyń oıynsha, qazirgi tańda saıası arenada júrgen barsha oppozısıonerlerdi otstavkaǵa jiberý qajet. Óıtkeni, olar da urandatyp qana qalýdy, naýqanda ǵana boı kórsetýdi sánge, ǵadetke aınaldyryp alǵan-mys.

–Jarmahan Tuıaqbaev qaıda? Birinshi prezıdent óz ókilettiligin aıaqtaı sala "óz mısıamdy atqaryp boldym" degen jeleýmen ornyn tastap júre berdi. El aldyndaǵy jaýapkershilik degen bolýy tıis qoı. Osy ýaqytqa deıin myńdaǵan halyqty artyna ertip keldi de, naǵyz kesip túsetin kezdik bolar tusynda jylystap ketti. Ol osy isi úshin elden jarıa túrde keshirim suraýy kerek, - dedi qaharyna mingen alashtanýshy aǵamyz.

Ol el azamattarynyń da saýaty tómendigine, ulttyq bolmystyń qalyptaspaı kele jatqanyna qarny ashatynyn bildirdi.

–30 jasqa deıingiler – túgel orystanǵan, sanasy quldyqtaǵylar. 30 ben 50 arasyndaǵylar – dúdámal kúıde qalǵandar. Endi jańa urpaqty jóndi tárbıeleý kerek, - dep tótesinen tartqan jazýshy óz ómirinen birneshe mysaldar keltirdi.