Jomart kásipker jaǵdaıy tómen 10 otbasyǵa baspana syılady dep habarlaıdy Qamshy.kz aqparat agenttigi. 

Túrkistan oblysy Qazyǵurt aýdanynda eńbegi men iskerliginiń arqasynda kásipterin dóńgeletip otyrǵan azamattar jeterlik. Tuńǵysh Prezıdent N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynyń «Jomart júrek» bazalyq jobasy aıasynda aýdandaǵy kásipkerler men demeýshiler tarapynan az qamtamasyz etilgen, kópbalaly jáne múmkindigi shekteýli otbasylarǵa, Uly Otan soǵysy ardagerlerine, jalǵyzilikti qarttarǵa kóptegen kómekter berilýde.

Osyndaı nar tulǵaly azamattardyń biri, «Qazaqstannyń 100 jańa esimi» baıqaýynyń jeńimpazy, Qazyǵurt aýdanynyń Qurmetti azamaty, kásipker – Syrym Ertaev. Ol óz esebinen 2017-2018 jyldary turmysy tómen Altyntóbe aýyl okrýginen 2 otbasyǵa, Qarabaý aýyl okrýginen 3 januıaǵa, Jańabazar aýyl okrýginen 2, jalpy 7 otbasyǵa úı salyp bergen. Jáne bıylǵy jyly da bul qaıyrymdy isin jalǵastyra otyryp jýyq arada Jigergen aýyl okrýginen 1, Qazyǵurt aýyl okrýginen 2, jalpy 3 januıaǵa baspana tartý  etpek.