Týǵan jerine demalysqa kelgen túrikmenstandyq 4 stýdent áýájaıdan tikeleı áskerge ketti dep jazady Qamshy.kz aqparat agenttigi “Hronıkı Týrkmenıstana” saıtyna silteme jasap.

Jas jigitter 1-maýsym kúni Túrkıadan ushyp keldi. 2 jigit Baıramalı qalasynan bolsa, qalǵan 2 er adam Lebap ýálaıatynyń týmasy. Ashhabadtyń halyqaralyq áýájaıyn balalaryn kútken ata-analar olardy kóre almady.

3-maýsym kúni ártúrli ınstansıalarǵa júgingen ata-analar tanystary arqyly balalaryn Ashhabad áskerı garnızonyna alyp ketkeni týraly estidi. Jas jigitterdi “áskerden qashqandar” dep gornızonǵa ornalastyrdy.

Áýájaıdaǵy tólqujat tekserisinen keıin, olardy birden 3 saǵatqa sozylǵan tergeýge alyp ketti. Odan keıin, Ashhabad áskerı garnızonynyń ofıseri jas jigitterdiń Túrikmenstan qarýly kúshteri qataryna shaqyrylǵany týraly habarlady.

Bul sheteldik joǵary oqý oryndarynan demalysqa kelgen stýdentterdiń áskerge alyp ketý jaǵdaıy birinshi emes. Olarǵa oqýyn aıaqtaýǵa múmkindik berilmeıdi. Ártúrli derekkózderdiń aıtýynsha, túrikmen áskeri ofıserler men qatardaǵy jaýyngerlerge kadrlyq jetispeýshilik kórýde.

Aýdarǵan: Ildar Adılchenov