Sáýle Ábildahanqyzy aýyr hálde dep jazady Qamshy.kz aqparat agenttigi. Qazir qoǵam belsendisin Almatydaǵy №7 aýrýhanaǵa jedel járdem alyp ketken. Dárigerler mıy shaıqalǵan degen dıagnoz qoıdy. 

Eske sala ketsek osyǵan deıin Sáýle Ábildahanqyzyn Almaly aýdandyq İİD-ge alyp ketkenin habarlaǵan bolatynbyz. Sáýle Ábildahanqyzyn Naýyryzbaı aýdandyq İİB-de ótken bettestirýden keıin soqqyǵa jyqqan.  İİB-nan shyqqan soń on shaqty belgisiz áıelder shashynan tartyp, ishinen, basynan birneshe ret urǵan. Sondaı-aq balaǵattap, chattardy óshirýdi talap etken. Sodan soń "chattardy bizdiń kózimizshe óshirip, bolǵan oqıǵa týraly lám-mım demeısiń" dep shart qoıǵan. Bolǵan oqıǵany maska kıgen jigit vıdeoǵa túsirgen. Biraz ýaqyttan soń belgisiz áıelder tarap ketipti.