Búgin Atyraý oblysynyń ákimi Nurlan Noǵaev aktıvke aýyl sharýashylyǵy basqarmasynyń jańa basshysyn tanystyrdy.

Nurlybaev Qaırat Esqabyluly Batys Qazaqstan aýyl sharýashylyǵy ınstıtýtyn ınjener-mehanık mamandyǵy boıynsha bitirgen.

Memlekettik qyzmette 1999 jyldan beri jumys isteıdi. Eńbek jolyn Atyraý oblysy Qyzylqoǵa aýdany Muqyr selolyq okrýgi ákimi apparatynda maman bolyp bastaǵan.

20 jyl Qyzylqoǵa, Qurmanǵazy aýdandary ákimderiniń apparattarynda túrli laýazymdar atqardy.
2012 jyly Inder aýdany ákimi apparatynyń basshysy bolyp taǵaıyndaldy.
Búginge deıin Inder aýdany ákiminiń orynbasary qyzmetin atqardy.

-Sizdiń bilimińiz, tájirıbeńiz, uıymdastyrýshylyq, basqarýshylyq qabiletterińiz aımaqtyń aýyl sharýashylyǵy salasyn jańa bıikterge kóteretinine senimdimin. Sizderdiń aldaryńyzda úlken mindetter tur, atap aıtsaq, egis alańdaryn ulǵaıtý, sharýa qojalyqtarynda tamshylatyp sýarýdy belsendi engizý, oblysta egin sharýashylyǵyn damytý, jergilikti aýyl sharýashylyǵy ónimderimen qamtamasyz etý,-dedi Nurlan Noǵaev jańa taǵaıyndalǵan basshyǵa.