Aqtaýda memlekettik qyzmetkerler bir mezette, alǵash ret oblystaǵy eń úlken týdyń astynda Memlekettik Gımndi shyrqady.  

         Qazaqstan Respýblıkasynyń rámizder kúni merekesine oraı uıymdastyrylǵan sharaǵa oblys jáne qala ákimi, memlekettik qyzmetshiler qatysty. Merekelik alańda Qazaqstan Respýblıkasynyń Memlekettik Týy men Eltańbasy ulyqtalyp, memlekettik qyzmetke jańadan kelgen qyzmetkerler saltanatty túrde ant qabyldady.

         Oblys ákimi E.Toǵjanov jınalǵandardy merekemen quttyqtaý sózinde: «Elbasymyz N.Nazarbaev «Memlekettik rámizder - halqymyzdyń rýhyn, ulttyq sanasyn, qaharmandylyǵy men danalyǵyn, bolashaqqa úmitin, arman-tilegin jetkizetin erekshe qundy belgiler» dep atap ótken bolatyn. Kez-kelgen memlekettiń kórkeıip gúldenýi sol memlekettiń tól rámizderine degen qurmet seziminen órbıdi. Endeshe, árdaıym rámizderimizdi qasterlep, birligi men berekesi jarasqan táýelsiz elimizdiń tuǵyry berik bolǵaı,- dep tiledi.