AMD kompanıasy jáne Samsung Electronics AMD Radeon bazasyna negizdelgen óte qýatty, joǵary ónimdi grafıkalyq tehnologıalar salasyndaǵy kóp jyldyq strategıalyq seriktestik ornatatyny týraly málimdedi dep habarlaıdy Qamshy.kz aqparat agenttigi.

Samsung seriktestik ornatý aıasynda AMD grafıkalyq IP-bloktaryna lısenzıa beredi jáne ozyq tehnologıalardy qurýǵa baǵyttalady. Mobıldi qurylǵylardyń múmkindikterin arttyrý úshin grafıka aýmaǵyndaǵy máseleler retteledi.

«AMD kompanıasymen seriktestik ornatý naryqta ınovasıalyq grafıkalyq ónimderdi usynýǵa jáne bolashaqtyń mobıldik qurylǵylaryn damytýǵa múmkindik beredi», - dedi Samsung Electronics kompanıasynyń System LSI baǵytynyń prezıdenti Inúp Kang.

«Jeke kompúterlerge, oıyn qurylǵylaryna, Radeon grafıkalyq tehnologıasyn engizý aıtarlyqtaı damyp keledi. Jáne biz Samsung syndy iri kompanıamen seriktestik ornatqanymyzǵa qýanyshtymyn. Bul biz úshin mobıldi qurylǵylar naryǵynda grafıkalyq ınovasıalardy jasap shyǵýǵa úlken múmkindik ashyp otyr», - dedi AMD kompanıasynyń prezıdenti Laıza Sý.

AMD kompanıasy men Samsung arasyndaǵy seriktestik sharty mobıldi qurylǵylar úshin RDNA joǵary ónimdi grafıkalyq arhıtektýraǵa negizdelgen lısenzıany alýǵa jol ashady.