Jelide aq jaýlyqty apanyń kezekten tys prezıdent saılaýyna qatysyp jatqan kandıdat ári QR Prezıdenti Qasym-Jomart Toqaevtyń aımaqtardaǵy shtabynyń birinde sóılegen sózi keńinen tarap ketti dep habarlaıdy Qamshy.kz aqparat agenttigi.

Úlken zalda adam qarasynyń qalyń ekeni baıqalady. Al egde jastaǵy apa artynda úlken ekranda "Toqaev" degen jazýy bar sahnaǵa shyǵyp, qolyna mıkrofon alyp sóz sóıledi. 

"Ardaqty aǵaıyn! Alda kele jatqan saıası naýqanda bir adamdaı birigip, atsalysýymyz kerek. Men bul eldegi áreket etýshi saıası júıeden sharshadym. Qazaq eline ádildik, shyndyq, bostandyq kerek. Táýelsizdigimizdi ádiletsizdikten saqtaý úshin qazirgi júıe ózgerýi kerek. Saıası júıeni ózgertetin birden bir kandıdat - Ámirjan Qosanov", - dedi ol. 

Zalda jınalǵan kópshiliktiń kútpegen jaǵdaı oryn alǵan kezde qyran-topan kúlkige batqanyn baıqaýǵa bolady.