Nurlan Noǵaev daýys beretin ýchaskesine jergilikti ýaqytpen saǵat 9.00-de keldi.
Atyraý oblysynyń barlyq jerinde QR Prezıdenti saılaýy jalǵasyp jatyr. Jergilikti saǵat 9.00-de N.Tilendıev atyndaǵy Kishi óner akademıasynda ornalasqan óz saılaý ýchaskesine aımaq basshysy Nurlan Noǵaev keldi. Atyraý oblysynyń ákimi óńir turǵyndaryn merekemen quttyqtap, durys tańdaý jasaıtyndaryna senim bildirdi.
-Búgin elimiz úshin erekshe máni bar kún. Turǵyndar ertemen saılaý ýchaskelerine kelip, tańdaýlaryn jasap jatqandaryna qýanyshtymyn. Barlyq saılaýshylarǵa ortaq bir qundylyq bar, biz tynyshtyq pen kelisim saltanat qurǵan, óz-ózin jetildirýge barlyq jaǵdaı jasalǵan beıbit elde ómir súrgimiz keledi. Biz búgin elimizdiń bolashaǵyn birge tańdaımyz,-dedi saılaýshylarǵa Nurlan Noǵaev.
Aıta keteıik, Atyraý oblysy ákimimen birge saılaýǵa óńirdiń eń egde jastaǵy turǵyny Balzıba Májıtova keldi. 101 jastaǵy qarıa saılaý ýchaskesine týystarymen kelgen.
-El Prezıdentiniń saılaýyna birinshi ret qatysyp turǵan joqpyn. Jasyma qaramastan saılaý ýchaskesine ózim keldim. Qazaqstanda uzaq ómir súretin adamdar jyl sanap kóbeıe bersin, elimiz damyp, órkendeı bersin degen tilektemin,-dedi Balzıba áje.
Atyraý oblysynda daýys beretinder tiziminde 409 679 saılaýshy bar.
Saılaý komısıalarynyń jalpy sany- 271, onyń 262-si ýchaskelik, 9 aýmaqtyq (oblystyq, qalalyq jáne 7 aýdandyq).
Daýys berý 262 saılaý ýchaskesinde júrip jatyr. 12 saılaý ýchaskesine kirý shektelgen, onyń 9-y emdeý mekemelerinde, 2-eýi áskerı bólimshelerde, 1-eýi tergeý ızolátorynda.