M.Ótemisuly atyndaǵy Qazaq akademıalyq drama teatrynyń 15 ártisi tarıhı kıimderdi kıýdi jón kórdi,
Atyraý oblysynda QR prezıdent saılaýy jalǵasýda. APEC joǵary kolejinde ornalasqan #90 saılaý ýchaskesinde erekshe daýys berý boldy. M.Ótemisuly atyndaǵy Qazaq akademıalyq drama teatrynyń 15 ártisi saılaýda ózderiniń daýystaryn berý úshin sahnalyq tarıhı kıimderin kıip keldi.
- Bizdiń teatr ujymy saılaýǵa shyǵarmashylyq baǵytta qaraýdy uıǵardy. Biz saıası partıalarǵa baǵynyshty emespiz, biz tek bul saılaýdyń mańyzdylyǵyn kórsetkimiz keldi. Bizdiń ata-babalarymyz qazaq memleketin qurýda kóptegen kúresterdi basynan ótkizdi. Urpaqtary retinde osyny baǵalaı bilýimiz kerek. Osy saılaýǵa qatysa otyryp, Otanymyzdyń qalyptasýyna óz úlesimizdi qosamyz dep senemiz, - deıdi teatr rejıseri Janat Teltaev.
Saılaý ýchaskesinde teatr ártisteri 15 mınýttaı bolyp, «Qyz Jibek» qoıylymynan ánderdi oryndady.
- Barlyq ujym daýys bermedi. Tek qana sol ýchaskede tirkelgen ártister daýys berdi. Solardyń arasyndaǵy teatr akteri Nurbek Sezhan Tólegen obrazynda boldy. Qalǵan ártister ózderiniń tirkelgen ýchaskelerinde daýystaryn berdi, - deıdi Janat Teltaev.
Aıta keteıik, búgingi tańda Atyraý oblysynda daýys berý tizimine 409 679 saılaýshylar engizilgen.
Saılaý komısıalarynyń jalpy sany 271 quraıdy, onyń ishinde 262-i ýchaskelik jáne 9-y aýmaqtyq (oblystyq, qalalyq jáne 7 aýdandyq).