QR Premer-mınıstri Asqar Mamın Úkimet otyrysynda Bilim jáne ǵylym mınıstrligine Ulttyq biryńǵaı testileýdi ótkizýge 100 paıyz daıyn bolýdy tapsyrdy dep habarlaıdy Qamshy.kz aqparat agenttigi.

"2017 jyldan beri testileý dál qazirgi formatta, joǵary oqý oryndaryna túskisi keletin túlekter úshin erikti túrde ótkizilip keledi. Kórip otyrǵandaryńyzdaı, testileýden ótkisi keletin mektep bitirýshiler sany 117 myńnan asady. Bilim jáne ǵylym mınıstri aıtyp ótkendeı, osyǵan deıin joǵary oqý oryndaryna aqyly negizde túsý úshin tapsyrylatyn testileý ótkizildi. 20 maýsymnan bastap memlekettik bilim granttaryn jeńip alǵysy keletin mektep biitirýshiler úshin testileý bastalady. UBT ótkizýge tolyqtaı daıyn bolýymyz kerek", - dedi Úkimet basshysy.

QR Úkimetiniń basshysy óńirlerdiń ákimderine oqýshylardyń UBT-ǵa qatysýyn uıymdastyrý máselesin baqylaýǵa alýdy tapsyrdy.

"UBT ótkizýge daıyndyq 100% qamtamasyz etilýi tıis. Bilim jáne ǵylym mınıstrliginiń mindeti – test ótkizý pýnkteriniń barlyǵynyń jumysyn naqty úılestirý", - dedi Asqar Mamın.

Memlekettik organdarǵa UBT qatysýshylarynyń qaýipsizdigin qamtamasyz etý úshin barlyq qajetti sharalardy qabyldaý tapsyryldy.