İshki ister mınıstri Erlan Turǵymbaev Qazaqstanda mıtıń kezinde 4 myńǵa jýyq adam ustalǵanyn aıtty dep habarlaıdy Qamshy.kz aqparat agenttigi Tengrinews.kz saıtyna silteme jasap. 

"Maýsymnyń 9, 10, 11, 12 jáne 13-i - bes táýlik ishinde Bas prokýratýra men İİM-niń birneshe ret eskertýlerine qaramastan, Qazaqstan qalalarynda ruqsat etilmegen mıtıńter ótkizildi. Mıtıńige shyqqan azamattar "mıtıńiler, sherýler jáne demonstrasıalar týraly" zańdy buzǵan. Zańda mundaı aksıalardy ótkizbes buryn qatysýshylar jergilikti atqarýshy organdarǵa ótinish berýi tıis ekeni anyq jazylǵan. Tek JAO-nyń ruqsatymen ǵana mıtıńter ótkizilýge tıis", - dedi Turǵynbaev Úkimet otyrysynan keıin jýrnalıserdiń suraqtaryna jaýap bere otyryp.

Ol polısıa qyzmetkerlerine arnaıy quraldardy qoldanbaýǵa komanda berilgenin atap ótti.

"Búkil polısıa tártipsizdikterdiń jolyn kesý úshin arnaıy qural-jabdyqtarmen qamtamasyz etilgen. Bul gaz balondary, dýbınkalar, olar qoldanylǵan joq. Bul qaqtyǵystardy oqshaýlaý úshin tek fızıkalyq kúsh qoldanyldy. 4 myńǵa jýyq azamat ustaldy", - dedi mınıstr.

Mınıstrdiń aıtýynsha, 3 myń azamat "qamaýǵa alynyp, bosatyldy". 677 adam sot arqyly ákimshilik qamaýǵa, 305 adamǵa ákimshilik aıyppul salyndy.