«Qazavtojol» UK» AQ Mańǵystaý oblysyndaǵy fılıalynyń dırektory men orynbasarlary birneshe ret para alý, búdjet aqshasyn jymqyrý kúdigine ilindi, dep habarlaıdy Qamshy.kz aqparat agenttigi QR Memlekettik qyzmet isteri jáne sybaılas jemqorlyqqa qarsy is-qımyl agenttigine silteme jasap.

Olar Mańǵystaý oblysyndaǵy avtojoldardyń qurylysy kezinde oryndalǵan jumys týraly qujattarǵa kedergisiz qol qoıǵany úshin merdiger uıymdardan júıeli túrde 6 mln teńge para aldy degen kúdikke ilinip otyr.

Tergeý nusqasyna saı, atalǵan top oryndalǵan jumys týraly jalǵan qujattardy toltyrý arqyly 500 mln teńge kólemindegi búdjet qarajatyn jymqyrǵan. «Qazavtojol» UK» AQ Mańǵystaý oblysyndaǵy fılıalynyń basshylary ýaqytsha oqshaýlaǵyshqa qamaldy. Tergeý amaldary jalǵasýda. Kúdiktilerge qatysty sońǵy kesim sotta shyǵarylady.

Derekkóz: QazAqparat