QR Bilim jáne ǵylym mınıstri Asqat Aımaǵambetov 2019 jyly bakalavrıat boıynsha joǵary bilim alýǵa 53 myńnan astam grant bólingenin málimdedi dep habarlaıdy  Qamshy.kz aqparat agenttigi.

"Bıyl bakalavrıatqa 53 785 grant bólinedi. Magıstratýraǵa byltyrǵydaı 13 myńnan astam grant berilgen. 2 312 grant doktorantýraǵa", – dedi Aımaǵambetov.

Onyń sózinshe, mınıstrlik abıtýrıentterdiń qansha grant bólinetinin, qandaı konkýrs, qaıda qujat tapsyrý qajettigin bilip otyrýyna erekshe mán beredi.

"Olar osynyń bárin bilip otyrsa, qujat tapsyrǵanda ózderi úshin durys sheshim qabyldaı alady. Bıylǵy jyly granttar kóbinese tehnıkalyq mamandyqtar boıynsha bólingen, biraq áleýmettik salany da nazardan shyǵarmadyq. Mysaly, qazir ınklúzıvti bilim máselesi kóterilýde. Sondyqtan bıyl biz defektologıa boıynsha granttar sanyn arttyrdyq", – dep túsindirdi mınıstr.