| Oıynshyq balanyń tek ermegi ǵana emesÁrbir ata-ana óz balasyna qýanysh syılaý úshin eshteńeden aıanbaıtyny belgili. Al balanyń serigi de, ermegi de oıynshyq bolǵandyqtan, balasyna onyń túr-túrin áperýden ata-ananyń jalyqpaıtyny da jasyryn emes. Ókinishke qaraı, kózdiń jaýyn alatyn oıynshyqtyń barlyǵy da kórshiles jatqan Qytaıdan ákelinedi. Alaıda ata-ana osy oıynshyqtardyń qanshalyqty bala aǵzasyna qaýipti ekeninen habarsyz bolǵandyqtan, osy jansyz zattyń balaǵa qanshalyqty qaterli ekendigin bile bermeıdi. |
| Shyndyǵyna kelgende, sol balalardyń oıynshyqtarynyń barlyǵy da — sheteldiń múltfılm, ertegileriniń keıipkerleri. Mine, munda da ózge eldiń ıdeologıasy júrýde degen sóz. Onsyzda teleekrandarymyzdy sheteldiń múltfılmderi jaýlap alyp, sábılerimiz ózge eldiń ıdeologıasymen ósip jatqany azdaı, olardyń kúndelikti qolynan tastamaıtyn oıynshyqtary da Qytaıdiki. Qarap otyrsaq, munyń ózi astyrtyn saıasat. Sebebi, bul aspan asty eli bir ǵana oıynshyq eksportynyń ózinen jylyna qyrýar qarjy taýyp otyr. Ári keń-baıtaq jeri bar qazaq eliniń urpaǵy, keleshekte memlekettiń tutqasyn ustaıtyn búgingi kishkentaı jetkinshekterdiń áljýaz da aýrý bolyp, jat eldiń bodanynda ósýi úshin ádeıi jasalyp jatqan qıturqy saıasat bolýy ábden múmkin. Elimizdegi bazar, dúken sórelerin Qytaı taýarlarynyń jaýlap alǵanyna biraz ýaqyt boldy. Ol tek oıynshyqqa ǵana qatysty emes. |
Bul erteńgi urpaqtyń bolashaǵyna óz qolymyzben balta shabýymyzdy bildirmeı me? Osy maqsatta OQO, Shymkent qalasynda erekshe tanymdyq shara uıymdastyryldy. Shymkenttegi "Kórme" ortalyǵynda otandyq oıynshyqtar jármeńkesi ótti. Kórmege elimizde shyǵarylatyn oıynshyqtar men balalarǵa arnalǵan qolóner buıymdar usynyldy. Kórmeni tamashalaýǵa kelgen qonaqtardy qaladaǵy «Óner» mektep-ınternaty oqýshylarynan quralǵan orkestr sazdy áýenmen qarsy aldy. Tanymal ánshi-prodúser, «Bal-bala» oıynshyqtarynyń avtory Qydyráli Bolmanov is-sharanyń ashylý saltanatyna qatysyp, kórmeniń lentasyn qıdy. Oıynshyqtar jármeńkesin ótkizýdegi basty maqsat otandyq ónimderdi nasıhattaý. Bul oıynshyqtardyń sapasy shetelde shyǵarylatyn ónimderden kem emes, balalarǵa ekologıalyq jaǵynan qaýipsiz.Kórmege «Bal-balanyń» qýyrshaqtarynan bólek Shymkentten shyǵarylatyn «Shymkent-plastık» oıynshyq zaýytynyń buıymdary da qoıyldy. Jergilikti qolónershilerdiń kádesyılary men balalarǵa arnalǵan ulttyq kıimder jármeńkesin myńǵa jýyq adam tamashalady. Is-sharaǵa sondaı-aq, oblys ákiminiń orynbasary Sáken Qanybekov, oblystyq mádenıet basqarmasynyń basshysy Kúlıa Aıdarbekova qatysty. Kórmeniń ótýine oblystyq mádenıet basqarmasy men oblystyq bilim, jastar saıasaty jáne tilder damytý basqarmalary qoldaý kórsetti.
OQO ákiminiń baspasóz qyzmeti
