Qazirgi tańda kóptegen úkimettik emes uı̆ymdar ártúrli áleýmettik jobalardy memlekettik tapsyrys boı̆ynsha júzege asyrylýda. "Adyrna" ulttyq - etnografıalyq birlestigi jáne Almaty qalasy qoǵamdyq damý basqarmasymen birlese jasalǵan.

"Meniń Rámizderim" atty patrıottyq jobasy sonyń bir dáleli. Joba maqsaty óskeleń urpaqqa patrıottyq tárbıe berý. Elimizdiń bolashaǵy jastardy ártúrli sharaǵa qatystyrý arqyly boı̆yndaǵy rýxanı sezimin oıatý. Joba aıasynda jastardyń qatysýymen kelesi is-sharalar ótkizildi: Alǵashqy is-sharanyń biri áleýmettik jelilerde arnaı̆y toptar qurylyp, #MenińRámizderim xeshtekteri arqyly taqyryptyq vıktorınalar men estafetalardy júrgizilýi bolyp tabylady. Sonymen qatar 9-ǵa jýyq semınar aldaǵy ýaqytta ótkizilý josparlanyp otyr , 60 adamdy qamtıtyn "Memlekettik rámizder eldigimizdiń tuǵyry" atty dóńgelek ústel uı̆ymdastyryldy. Jobany uı̆ymdastyrý barysynda aýqymdy sharalardyń biri, 250-ge jýyq stýdenter qatysqan fleshmob-aksıa. Aksıa QR Tuńǵysh Prezıdenti saıabaǵynda, Arbat, Respýblıka saraı̆ynyń aldynda Abaı̆ alanyńda jáne Axmet Baı̆tursynov murajaı̆ynda ótkizildi. Fleshmob kezinde stýdentter memlekettik rámizder beı̆nelengen fýtbolkalarmen, beı̆sbolkalardy kıip , elimizdiń kók baı̆raǵyn jelbiretý mártebesine ıe boldy. Otan súı̆gishtikke jastardy tárbıeleý úlken jaýapkershilikti talap etedi. Búgingi jas urpaq , erteńgi elimizdiń bolashaǵy. Sol úshin, jastarǵa patrıottyq kóz qaras qalyptastyrýǵa arnalǵan kezdesýler ótkizildi. Oǵan eltańba avtory Jandarbek Málibekov, "Kók týdyń jelbiregeni" ániniń avtory, aqyn Almasbek Axmetbekuly jáne dástúrli ánshi Erlan Tóleýtaı̆, xalyqqa tanymal aqyndarymyz Sh.Muratxan, A.Álimuly, A.Káripjan qonaq boldy. Kezdesý barysynda kórnekti tulǵalar óz tájirıbelerimen , ómirlik ustanymdarymen bólisti.

Oqýshylar óz tarapynan kókeı̆inde júrgen suraqty qoı̆yp , jaýap aldy. 6 mektep , 350-ge jýyq oqýshylar qatysqan shara esten ketpes qyzyq , ári tárbıelik máni zor boldy . Qorytyndylaı̆ kele joba barysynda ótkizilgen árbir is-sharanyń ózindik mańyzy bar. Sebebi bul shara Otanymyzdy qurmetteýge , patrıottyq sezimdi nyǵaı̆ta túsýge tyrysý - ol árbir azamattyń paryzy ekenin uqtyrdy.