Jastar jylynda QMDB Óskemen aımaǵy ókildiginiń uıymdastyrýymen ótip jatqan «Dala semınary» jobasyna qatysýshylar Tór Altaıdaǵy ejelgi Túrki qaǵanatynyń ortalyǵy bolǵan áıgili Berel qorǵanyna baryp qaıtty. Bul týraly Qamshy.kz aqparat agenttigi Shyǵys Qazaqstan oblystyq «Halıfa Altaı» meshitiniń baspasóz qyzmetine silteme jasap habarlaıdy.

Elimizdiń barlyq aımaǵynan kelgen jastar Bereldegi ashyq aspan astyndaǵy murajaıdy kórip, ejelgi túrki mádenıetiniń jaýharymen tanysty. «Alǵan áserimiz erekshe. Áıgili Berel qorǵanyn kózben kórýdiń ózi aıyryqsha áserli eken. Munda bizdiń qanshama ǵasyrlyq tarıhymyz jatyr. Bul sapar bizdiń tarıhı túsinigimizdi keńeıte tústi» deıdi, jobaǵa qatysýshy jastar.

Qatysýshylar sonymen qatar «Rahman qaınary» arasanynda bolyp, ásem Altaıdyń kórikti tabıǵatymen tańdaı qaqty.

«Osy joba arqyly Shyǵys Qazaqstannyń ásem tabıǵatyn nasıhattap, el men er tarıhyn tereń zerdelep, týrısik baǵytty damytýǵa da nazar aýdaryldy» deıdi sharany uıymdastyrýshylar.