Jarylys oryn alyp, kún jaryqta eldiń berekesin alǵan áskerı qoıma "Iýg" ("Ońtústik") aımaqtyq basqarmasyna qarasty. Al bul basqarmany maıor shenindegi Qaıdar Qaraqulov basqarady dep jazady Qamshy.kz aqparat agenttigi.

Arystaǵy áskerı garnızon – "Iýg" aımaqtyq basqarmasynyń bólimi. İrgetasy 2003 jyly qalanǵan. "Iýg" aımaqtyq basqarmasynyń qaramaǵyna tórt oblystyń terıtorıasy enedi: Almaty, Jambyl, Túrkistan jáne Qyzylorda oblysy. Aımaqtyq basqarmanyń bas shtaby Taraz qalasynda ornalasqan.

"Iýg" aımaqtyq basqarmasy – QR Qarýly kúshteriniń eń jyldam áreket etetin terıtorıalyq uıymy. Uıymnyń basty mindeti – elimizdiń ońtústik-shyǵysyndaǵy oblystardyń halqynyń qaýipsizdigin qamatamasyz etý.

Atalǵan uıymǵa ústimizdegi jyldyń 17-mamyry kúni general-maıor Qaıdar Qaraqulov basshy bolyp taǵaıyndalǵan. 45 jastaǵy Qaraqulov  Almaty áskerı ýchılıshesin támámdǵan.

General-maıor birqatar jaýapty qyzmetterdi atqarǵan. Atap aıtsaq, "Iýgtiń" 5-shi mehanızasıalanǵan brıgadasyn basqardy. Odan bólek, dál osy uıymnyń basshysynyń birinshi orynbasary qyzmetin atqarǵan.

Qaraqulovqa deıin bul uıymdy úsh jylǵa jýyq ýaqyt general-maıor Marat Hýsaınov basqarǵan. Hýsaınov 2018 jyldyń mamyr aıynda jaýapty qyzmeti úshin İİ dárejeli "Dańq" ordenimen marapattaldy.

Jalpy ártúrli ýaqyt mejesinde "Iýg" aımaqtyq basqarmasyn Ýálı Elamanov, Bahtıar Syzdyqov, Bolat Darbekov, Talǵat Qoıbaqov syndy shendi azamattar basqarǵan.