Kúlli Eýropany moıyndatqan ataqty lıtvalyq rejıser Ionas Vaıtkýs sahnalaǵan Iran-Ǵaıyptyń «Qorqyttyń kóri» ańyz-dastany endi Elorda tórinde qoıylmaq. 22-28 maýsym aralyǵynda Astana kúnine oraı uıymdastyrylatyn «Sahnadan sálem» atty İİİ Halyqaralyq teatr festıvaline on bir óner ujymy qatysady. Onyń qatarynda elimizden bólek Reseıdiń Máskeý Gýbernıalyq jáne Grýzıanyń Tbılısı qalasy Aleksandr Grıboedov atyndaǵy Memlekettik akademıalyq orys drama teatrlary bar. QR eńbek sińirgen qaıratkeri Erlan Bilálov bastaǵan Qazaqtyń Muhtar Áýezov atyndaǵy memlekettik akademıalyq drama teatry «Qorqyttyń kóri» spektaklin Qazan sahnasynda qoıyp, halyqaralyq dárejedegi óner synshylary men sarapshylardyń joǵary baǵasyna ıe bolyp qaıtqan bolatyn. Bul joly teatr ujymy Astana qalasynyń «Jastar» teatry sahnasynda Elorda qonaqtary men kórermenderin tańqaldyrmaq.

Teatrdyń «Baspasóz qyzmeti»