Túrkistan oblysy Arys qalasyndaǵy jarylystar saldarynan 3 adam qaza tapty Qamshy.kz aqparat agenttigi dep habarlaıdy Tengrinews.kz silteme jasap.
Arnaıy tehnıkamen belgilengen jáne kóshirýge daıyndalǵan 24 jaýyngerlik snarád tabyldy. Túrkistan oblysy Densaýlyq saqtaý basqarmasynyń málimetterine sáıkes, medısınalyq kómekke 70 adam júgingen, onyń 45-i aýrýhanaǵa jatqyzylyp, 3 adam qaza bolǵan.
"26 maýsymdaǵy 6.00 jaǵdaı boıynsha tótenshe jaǵdaı men onyń saldaryn joıý ornynda İİM-niń kúshteri men quraldaryn toptastyrý jeke quramnyń 1251 adamy jáne 188 birlik tehnıka jumyldyrylǵan, onyń ishinde: Azamattyq qorǵaý organdarynyń 346 qyzmetkeri men 48 birlik tehnıkasy, 358 qyzmetker men 75 birlik polısıa tehnıkasy, 547 áskerı qyzmetshi men 65 birlik tehnıkalary bar.
Arys qalasynyń aýmaǵynda TJK órt sóndirý qyzmetiniń kúshimen 52 órt joıyldy (bir kafe ǵımaraty, 24 turǵyn úı, 10 sharýashylyq qurylystar, 17 tabıǵı órt). Túrkistan oblysy polısıa departamentiniń, Ulttyq ulannyń qyzmetkerleri Arys qalasyn qorshap, kúzetip júr. Sondaı-aq qalanyń perımetri boıynsha beketter qoıylǵan.
Oblystyq polısıa departamentiniń qyzmetkerlerimen 3 tonaý faktisi anyqtaldy. Qorǵanys mınıstrligi ushqyshsyz ushý apparatyn qoldana otyryp, aerovızýaldy barlaýdyń nátıjesinde áskerı bólimniń aýmaǵynda ashyq janý joq ekendigi anyqtady.
Qorǵanys mınıstrliginiń saperlik bólimsheler sany 14 top, jalpy sany 145 adam. Arnaıy tehnıkamen belgilengen jáne kóshirýge daıyndalǵan 24 jaýyngerlik snarádtar tabyldy.
