Qamshy.kz aqparat agenttigi aldaǵy aıdyń 1-juldyzynan bastap zańnamalar men qoǵamdyq kómektiń, áleýmettik járdemaqylardyń ózgerisi týraly taldaıdy. Bile júrińiz! Keregińizge jaratyńyz!

Múgedek balalardy asyraýshylarǵa beriletin járdemaqy kóbeıedi

Elimizde 1-shildeden bastap erekshe qajettilikteri bar múgedek balalardy baǵatyn azamattarǵa jáne birinshi toptaǵy múgedek balalardy bala kúninen baǵyp-qaǵyp kele jatqan ata-analarǵa tólenetin járdemaqynyń kólemi artpaq. Bul ózgerister Qazaqstannyń «Memlekettik járdemaqylar» týraly zańyna engizilgen.

Ózgeristen keıingi járdemaqy kólemi – 41 578 teńge. Dál qazirgi ýaqytty memleket tarapynan bólinetin kómektiń kólemi – 31 183 teńge. Ózgergen sýmmadaǵy járdemaqyny 95 myńnan asa adamǵa berý kózdelýde.

Kedeılik deńgeıiniń kóterilýi

Búgingi tańda elimizdegi eń tómengi tabys kólemi – 29 698 teńge. Mınımým kórsetkishti memleket ómir súrýge jetkilikti dep esepteıdi.

QR Eńbek jáne halyqty áleýmettik qorǵaý mınıstrligi aldaǵy aıdan bastap elimizdegi kedeılik deńgeıin kóterýdi josparlap otyr. «Kedeılik deńgeıin anyqtaý» týraly buıryqqa engizilgen ózgerister osy dárejedegi halyqtyń tabysyn 20 paıyzǵa arttyrýdy maqsat etedi.

Ulttyq bank sheteldik kompanıalardyń jumysyn qadaǵalaı bastaıdy

1-shildeden bastap elimizdegi qarjylyq emes sheteldik uıymdar men kompanıalar ózderiniń valútalyq operasıalary týraly Ulttyq bankke esep berip turady. Jańa ereje «Valútanalyq aınalymdy retteý jáne valútany qadaǵalaý» týraly zańǵa sáıkes júzege asty.

Ulttyq bank esep beretin kompanıalar qataryna kiretinder tizimin jarıalady. Olar: munaı shıkizatyn óndiretinder; tabıǵı gaz óndiretin; qurylys kompanıalary; baǵaly zattardy óńdeıtin jáne óndiretin; arhıtektýralyq, ınjenerlik jine tehnıkalyq qyzmet kórsetetin; ǵylymı-zertteý jáne tájirıbelik-konsıtrýktorlyq qyzmet kórsetetin kompanıalar.

Valúta aıyrbastaý ortalyqtary jańa ereje boıynsha jumys jasaıdy

Aldaǵy aıdan bastap Qazaqstandaǵy valúta aıyrbasynyń jańa erejeleri kúshke enedi. Áirese, jańa erejeler, eń aldymen, valúta aıyrbastaý pýnkterinde qoldanysqa qosylady.

Valúta aıyrbasyna qatysty jańa erejeler iri sýmmalarǵa qatysty. Mysaly, sizdiń sheteldik valútaǵa aıyrbastaǵyńyz keletin aqshańyz 100 myń dollardan asyp ketse, jaýapty bank tutynýshyǵa kelisimshart usynýy tıis. Bul kelisimshart ekijaqty taraptyń mindetterin anyqtap, zańdastyryp beredi.

Kasalyq apparattardyń onlaın júıege kóshýi

Ústimizdegi jyldyń 1-shildesinen bastap QR Qarjy mınıstrliginiń №3 usynysy kúshine enedi.

16-aqpan, 2018 jyl. №206 buıryq: «Qazaqstan Respýblıkasynyń aýmaǵynda salyq tóleýshilerdiń qarajatyn esepteýdiń júzege asyrylýyndaǵy qyzmet túrleri kasalyq esepshottardy esepke alý jáne (nemese) qolma-qol aqshany berý».

2019 jyly kvartaldyq ýaqyt mejesinde 633 qyzmet kórsetý túriniń jumys barysynda onlaın kasalyq apparatty engizý týraly sheshim qabyldanǵan:

2019 jyldyń 1-sáýirinen bastap – 323 qyzmet túrine;

2019 jyldyń 1-shildesinen bastap – 86 qyzmet túrine;

2019 jyldyń 1-qazanynan bastap – 224 qyzmet túrine onlaın kasa apparaty engiziledi.

Aıta ketý kerek, onlaın kasalyq apparatty engizý qajettiligi tek jalpy qoldanysqa arnalǵan telekomýnıkasıalyq baılanys ornatylǵan jerlerge ǵana mindetteledi.

Azamattyq úkimet komersıalyq zańdy ókilderdi tirkeı alady

2019 jyldyń 2-sáýirinde «QR zańdaryna kásipkerlik ortany damytý úshin jáne turaqty saýda qyzmetin kórsetý úshin birqatar ózgertýler men tolyqtyrýlar engizý» týraly Zań qabyldandy.

Sol Zań «Azamattyq úkimet» uıymyna zańdy tulǵalardy memlekettik tirkeýden ótkizýge, fılıaldar men ókildikterdi tirkeýge, komersıalyq uıymdar men memlekettik korporasıalardyń qyzmetine qatysty sheshimder qabyldaý fýnksıasyn alyp berdi.

Ústimizdegi jyldyń 1-shildesinen bastap joǵaryda atalǵan qyzmetterdi «Azamattyq úkimet» memlekettik korporasıasy kórsete alady.

QR İİM endi júrgizýshi kýáligin alý úshin tapsyrylatyn emtıhandardy qabyldamaıdy

1-shildeden bastap İshki ister mınıstrligi azamattardan júrgizýshi kýáligin berý úshin tapsyrylatyn emtıhandardy qabyldamaıdy. Bul qyzmetti İİM-niń emtıhandyq tirkeý bólimi atqaryp kelgen.

Bul fýnksıa joǵaryda atalǵan «Azamattyq úkimet» memlekettik korporasıasyna beriledi. Bul uıymǵa qazirgi ýaqytta halyqqa qyzmet kósretý ortalyqtary men arnaıy qyzmet kórsetý ortalyqtary qarasty.

Arnaıy qyzmet kórsetý ortalyqtary emtıhan alyp, júrgizýshi kýáligin alýǵa múddeli adamnyń barlyq ýaqyttaǵy áreketterin tekserip, qujat daıyndaı alady.

Shylymnyń baǵasy taǵy da ósedi...

2018 jyldyń qarasha aıynda QR Úkimeti «Súzgisi bar sıgarettiń, súzgisi joq shylym men papırostyń mınımaldy saýda baǵasyn bekitý týraly» qaýlyǵa ózgeris engizildi.

Osy qujatqa sáıkes, elimizde árbir jarty jyl saıyn bir qorap shylymnyń orta baǵasyna 20 teńge qosylyp otyrady.

Dál qazir shylymnyń bir qorabynyń naryqtyq ortasha baǵasy – 380 teńge. 2019 jyldyń 1-shildesinen bastap bul baǵa 400 teńgege ósedi.