Italıadaǵy oppozısıoner Turǵymbaı Erjan Shymkentte mıtıńke shyqqan arystyqtar jaıly óziniń Youtube arnasyna vıdeo júktedi dep jazady Qamshy.kz aqparat agenttigi. 

Oppozısıoner aldymen Shymkenttegi mıtıń vıdeosyn júktep, sol jerde bolyp jatqan oqıǵaǵa qysqasha túsinikteme berip ótti. Artynsha ol resmı málimetter bergen aqparatty eske saldy.

"Shymkenttegi arystyqtarǵa kómekti úkimet emes, halyq berip jatyr. Adamdar jylap jatyr, "múldem aqshasyz júrmiz" dep. Jańa bolǵan mıtıńke oblys ákiminiń keńesshisi keldi. "Erteń jóndeý jumysy bitip, Arysqa qaıtasyzdar" deıdi halyqqa. Al, oǵan kónip otyrǵan adam joq. Durys aıtady. Sebebi osy qoımada 150 myń tonna snarád saqtalǵan. 10 jyl bolǵan qoımada 4 ret jarylys boldy. Olar biraq kishkentaı boldy. Bul jaıly Tasmaǵambetov ta aıtty, Myńbaev ta aıtty. Ol kezde de mıllıondap aqsha bólindi. Biraq eshteńe sheshilgen joq. Baqyt Qurmanbaev bul qoımalardy joıamyz dep málimet bergen eken. Nazarbaev bir kúndik jalaqysyn Arys turǵyndaryna aýdarypty. 28-maýsym kúni qaıtaramyz depti qalaǵa, halyqty. Osy sózdi Abaev ta aıtty. Bul jaıly oblys ákiminiń keńesshisi halyqqa jetkizip jatqan. Basqalar eshteńe deı almaı otyr. Baqytjan Ertaev májilistiń birneshe depýtaty Arysta dep aıtqan, men eshkimdi kórmedim. Men Ertaev myrzany efırge shaqyrsam dep edim. Halyqqa túsinikti bolý úshin. Qorǵanys mınıstrin de shaqyramyn. Qoımanyń qashan joıylatyny jaıly sóılessek. Al, Arys turǵyndaryna aıtarym. Barmańdar! Qaýip áli seıilmegen. Zorlap alyp barsa da, barmańdar. Barýshy bolmańdar. Qansha qarý jaraq qalǵanyn bir Qudaı biledi. Ol qoımany kóshirmeı, ol jerge barýǵa bolmaıdy.",- deıdi Erjan Turǵymbaı. 

Esterińizge sala keteıik, Arys bolǵan jarylystan keıin Shymkentke evakýasıalanǵan halyq "Biz Arysqa qaıtpaımyz" dep mıtıńke shyqqan bolatyn. Olar joldy jaýyp, meshittiń ishinde de shý kótergen. Basty talap – Shymkentten úı berilsin deıdi.