BUU-nyń búkilálemdik meteorologıalyq bóliminiń aıtýynsha, 2015 jyldan 2019 jylǵa deıingi aralyq adamzat tarıhyndaǵy ystyq temperatýradan rekord ornatqan. 

2019 jylǵy aptap ystyqqa Grenlandıa men Eýropanyń soltústik, ortalyq bóligindegi eki oblystyń aýa qysymynyń artýy sebep bolǵan. Olar ońtústikten keletin salqyn aýany toqtatyp, afrıkalyq jáne ıspanıalyq dala jazyqtarynan ystyq aýa týǵyzatyn sıklon turýyna alyp keledi. Nátıjesinde álemde temperatýralyq rekordtar ornaı bastaıdy. 

Birneshe jyldar buryn 40 gradýs Selsıı temperatýrasynyń tirkelýi - aıtýly qubylys edi. Al jahandyq jylylyq ornaı bastaǵan kezde bul kórsetkish kúndelikti, qalypty ári sozylmaly bolmaq. 

Eýropalyq ǵalymdardyń málimetine súıensek, 2019 jyldyń jaz aılarynda aptap ystyqtan myńdaǵan adam qaza tabýy yqtımal. 

Fransıanyń ońtústik-shyǵysyndaǵy tórt departamentte qaýiptiń qyzyl deńgeıi jarıalanǵan. Ispanıanyń da 19 provınsıasynda 40 gradýstan joǵary aýa-raıy josparlanýda. Qaýiptiń qyzyl deńgeıi eki oblysta jarıalanǵan. 

Ystyq aptap Eýropanyń Ispanıa, Italıa, Germanıa, Belgıa jáne Shveısarıa syndy elderinde kútilýde.