Almaty qalasynyń jańa ákimi Baqytjan Saǵyntaev qala turǵyndaryna úndeý jasady dep habarlaıdy Qamshy.kz aqparat agenttigi.
Bul ol óziniń Instagram paraqshasynda jarıalady.
“Qurmetti almatylyqtar! Almaty qalasynyń ákimi mindetine kirise otyryp, men sizderdiń, qala turǵyndarynyń aldyndaǵy zor jaýapkershiligimdi tolyq sezinemin. Almaty ár-qaısymyzdan erekshe oryn alǵan qala! Almatyǵa degen ár qazaqstandyqtyń yqylasy erekshe. Bul qala meniń jastyǵymnyń, kásibı kemeldenýimniń kýási. Meniń basty maqsatym - Almatynyń ár turǵyny berekeli ómir súretin, qaýipsizdigi qolaıly, zamanǵa saı megapolıske aınaldyrý. Biz oǵan tek birge tize qosyp, eńbek etý arqyly jete alamyz! Sondyqtan, sizderdiń talap-tilekterińizdi bilip, ýaqytyly jaýap berý, men úshin óte mańyzdy! Qalanyń problemalary men damý strategıasyn sizdermen birge ashyq talqylaǵym keledi. Sizdermen tikeleı baılanys ornatý úshin Facebook, Twitter, Instagram jelilerinde tirkeldim. Barlyǵymyzdyń taǵdyrymyz men baılanysty mańyzdy sheshimderdi ázirlep, qabyldaý kezinde sizderdiń qoldaýlaryńyz men úshin mańyzdy. Aqyldasa otyryp, birge jumys isteıik!” - dedi qala ákimi.
Pikir qaldyrý