Arys qalasynda tótenshe jaǵdaılar oryn alǵan kúnniń ertesine-aq óńir basshysy Asqar Myrzahmetovtyń tapsyrmasymen Jambyl oblysynan bir top azamattar oqıǵa oryn alǵan aýmaqqa kelip jetken bolatyn dep jazady Qamshy.kz aqparat agenttigi. Aq jol aýylyndaǵy shtabta qyzý jumys bastalyp, oblysqa tıesili 3- sektor boıynsha túgendeý sharalary birden qolǵa alynǵan. Jalpy, 3-sektorda 327 jeke turǵyn úı, 13 komersıalyq baǵyttaǵy nysan bar.

Búginde qaladaǵy shıpajaı aýmaǵynda Jambyl oblysynyń shtaby ornalasqan. Onda kerekti qural-saımandar, palatkalar qamtylǵan. 200 adam qurylysqa saqadaı-saı.

Odan bólek búgin tańǵy saǵat 8:00-den bastap qalaǵa oralyp jatqan arystyqtardy qabyldaýǵa 100 adam bólindi. Olar ózimizge qarasty 9 kóshe boıynsha arnaıy toptarǵa toptasyp, turǵyndardy qabyldap, jaıǵastyrýmen, úılerindegi qaýipsizdikti qamtamasyz etýmen aınalysýda. Bólingen toptardyń quramynda jergilikti polısıa, prokýratýra organdarynyń qyzmetkerleri, saperlar jáne ózge de mamandar bar. Jergilikti jerdegi aqsaqaldar da túsindirý jumystaryna jumyldyrylýda.

Sondaı-aq,  dál qazirgi ýaqytta bólinisimizdegi aýmaqta zerttep-zerdeleý sharalary atqarylyp, qajettilikter anyqtalýda. Naqty qajettilikterdiń kólemi anyqtalǵan soń, jobalyq smetalyq qujattar jasalyp, tıesili qarajat bólinip, qalpyna keltirý úshin qurylys jumystary birden bastalmaq.

Jambyl oblysyna tıesili 3-sektor jarylys oshaǵyna óte taıaý ornalasqandyqtan, mundaǵy turǵyn úıler men nysandardyń basym bóliginde aqaýlardyń bary anyqtalǵan. Eki jeke turǵyn úı múlde jaramsyz jaǵdaıda. Alaıda, tıisti esepteýler júrgizilgennen soń, barlyǵy tolyǵymen qalypqa keltiriledi.

Aıta keteıik, japa shekken arystyqtarǵa qoldaý kórsetý maqsatynda barsha jambyldyqtardyń atsalysýymen búginge deıin 75 tonna azyq-túlik, turmysqa qajetti buıymdar jetkizildi. Óńirdegi «Nur Otan» partıasynyń oblystyq jáne aýdandyq fılıaldarynda qabyldaý pýnkteri úzdiksiz jumys istep tur. Aldaǵy ýaqytta jınalǵan zattar taǵy da jiberiletin bolady.