Óskemendikter neshe ǵasyrlyq tarıhy bar Otyrar qalasyn tamashalaý múmkindigine ıe boldy. Durysy, Shyǵys Qazaqstan oblystyq tarıhı-ólketaný mýzeıinde ashylǵan «Qamaly bekem, halqy qaısar - Otyrar» dep atalǵan kórmege kelýshiler kóne shaharǵa qatysty qundy derekterdi kózben kóre alady dep habarlaıdy Qamshy.kz aqparat agenttigi.   

Otyrar qalasyna 800 jyl tolýyna oraı «Rýhanı jańǵyrý» baǵdarlamasy asynda shymyldyq túrgen kórmege barlyǵy 200-ge tarta eksponat qoıylǵan. Olardyń ishinde III-Vİİİ ǵasyrlardaǵy túpnusqa jádigerler men derektik materıaldar, İH-Hİİ ǵasyrlardaǵy áıgili shahardyń tynys-tirshiligin baıandaıtyn eńbekter men sol dáýirden jetken arheologıalyq materıaldar bar. Sonymen qosa mońǵol shapqynshylyǵy kezindegi Otyrardyń qıraýy men qaıta boı kóterýinen syr tartatyn derekter kópshilik nazaryna usynylǵan. 

– Otyrar – álemdik órkenıette ózindik orny bar, tarıhy tereń, Uly Jibek jolynyń boıyndaǵy kóne shaharlardyń biri. Bul qala áıgili oıshyl Ábý Nasyr Ál-Farabıdyń týǵan ólkesi. Bul shahar HVİ-HVİİİ ǵasyrlarda Qazaq handyǵynyń saıası jáne ekonomıkalyq ortalyǵy bolǵan. Jalpy Otyrar týraly adamdar jan-jaqty bilip, ejelgi qalaǵa qatysty jádigerlerdi kózimen kórýi kerek. Kóshpeli kórmeni uıymdastyrýdaǵy maqsatymyz da sol, – deıdi Otyrar memlekettik-arheologıalyq  qoryq murajaıynyń bas qor saqtaýshysy Eraly Shoqaı.  

Aıta keteıik, kóshpeli kórme bir aı boıy jumys isteıdi.