Jaqynda ǵana jarylys bolǵan Arys qalasyndaǵy áskerı bólim eshqaıda kóshpetin boldy dep jazady Qamshy.kz aqparat agenttigi. 

Ermıan Bıatov, Qorǵanys mınıstrligi «Ońtústik» óńirlik qolbasshysynyń orynbasary:

–Arystaǵy garnızonda áskerı bólim osynda qala beredi. Biraq qalaǵa qaýipsiz bolady. Jarylǵysh zattar jınalyp bitkennen keıin olar Arystan 60 shaqyrym jerdegi arnaıy polıgonǵa aparylyp, túgel kózi joıylady,- deıdi.

Arys qalasynan áli kúnge deıin tabylǵan barlyq snarádtardy áskerıler jınap aldy. Arysta qazirgi esep boıynsha 27 úı jaramsyz bolyp qalǵan, onyń 21-i órtenip ketken. Dál qazirgi sátte halyqqa qajettiligi joǵary nysanalar óz jumysyn bastap ketken. Eń bastysy nanmen qamatamasyz etip otyrǵan naýbaıhana jumys jasaýda.

Murat Qadyrbek, Arys qalasynyń ákimi:

–Sý jáne elektr energıasy tolyǵymen berilgen. Barlyq tasymaldaýshy mekemeler jumysyna kiristi. Qaladaǵy úsh naýbaıhana nanmen halyqty qamtamasyz etip otyr. Jáne qala aýmaǵynda 20-dan astam azyq-túlik dúkenderi tolyǵymen jumys istep  jatyr,- dedi.

Esterińizge sala keteıik Arys qalasyndaǵy jarylys 24-mamyr tańǵy saǵat 09:00 de bastalǵan bolatyn. Der kezinde qala halqy evakýasıalanyp, Túrkistan oblysyndaǵy mektep, úılerge ornalastyrylǵan. 28-mamyr kúni arystyqtar qaıtadan úılerine qaıtqan edi.