Qasym-Jomart Toqaev Darıǵa Nazarbaevany qabyldady dep jazady Qamshy.kz aqparat agenttigi Aqordanyń deregin negizge alyp.
Qazaqstan Prezıdentine Parlamenttiń joǵarǵy palatasynyń qazirgi jumystary jáne saılaýaldy tuǵyrnamany zańnamalyq turǵydan qamtamasyz etý, sonyń ishinde azamattarǵa áleýmettik qoldaý kórsetýge qatysty josparlary týraly málimet berildi.
Qasym-Jomart Toqaev mal urlyǵy, esirtki taratqany, ásirese ınternet arqyly taratqany úshin jazany qatańdatý qajettigin aıtty. Sonymen qatar, Memleket basshysy qol astyndaǵy qyzmetkerlerdiń jemqorlyqqa qatysty quqyq buzýshylyǵy úshin memlekettik organdardyń birinshi basshylarynyń jaýapkershiligin zańnamalyq normaǵa engizýdiń mańyzdy ekenin atap ótti.
Pikir qaldyrý