Kezdesýde taraptar 29 maýsym kúni "Teńiz" ken ornynda bolǵan turmystyq kıkiljińdi talqylady dep habarlaıdy Qamshy.kz aqparat agenttigi Atyraý oblysy ákiminiń baspasóz qyzmeti.

Keshe, 2-shilde kúni Atyraý oblysynyń ákimi Nurlan Noǵaev "Chevron" kompanıasynyń Eýropa, Eýrazıa, Taıaý Shyǵystaǵy barlaý men óndirý jónindegi prezıdenti Todd Levımen kezdesti.

Nurlan Noǵaev qazir jaǵdaı rettelgenin, Teńiz jobasyndaǵy jumysshylardyń ómirleri men densaýlyqtaryna qaýip joq ekenin aıtty.

Todd Levı óz kezeginde "Chevron" kompanıasynyń saıasaty boıynsha kompanıanyń barlyq qyzmetkerine teń dárejede qurmet kórsetiletinin, quqyqtary men mindetteri birdeı ekenin atap ótti.

"Osyndaı oqıǵanyń endi qaıtalanbaýy úshin Teńiz jobasyna tartylǵan barlyq merdiger mekemeler arasynda túsindirý jumystaryn júrgizemiz. Jergilikti atqarýshy organdarǵa, quqyq qorǵaý organdaryna jaǵdaıdy tez retteýge atsalysqandary úshin rızashylyq bildiremin. Alǵa qaraı da ózara baılanysymyzdy tabysty jalǵastyra beretinimizge senemiz",- dedi Todd Levı.