BI Group kompanıasynyń basshysy Aıdyn Rahymbaev "Teńizde" jumysshylar arasyndaǵy qaqtyǵys týraly óz oıyn aıtty dep habarlaıdy Qamshy.kz aqparat agenttigi. 

Bul týraly ol óziniń Facebook paraqshasynda jarıalady. 

Onyń aıtýynsha, 90-shy jyldardyń ortasynan bastap Chevron, Exxon jáne QazMunaıGaz (TSHO) jergilikti munaıdy óńdeý úshin $130 mlrd jumsady. Búkil ınjenerler men bas merdigerler jáne qosalqy merdigerler sheteldik kompanıalardan keldi. Al jergilikti jumysshylar sóz joq oryndaýshy qyzmetin atqardy. Qatań tártipti arabtar, ıtalıalyqtar jáne t.b. ustady.   

–Batystyqtar “jergilikti mamandardyń biliktiligi jetispeıdi” deıdi. Biraq 20 jyldaı eshqandaı kelisimshart usynbaı, jergilikti kadrlarǵa qyzyǵýshylyq tanytpady, - dedi ol. 

Rahymbaevtyń aıtýynsha, kez-kelgen TSHO (Teńizshevroıl) - bıznes. Sondyqtan, únemi kelissózder júrgizilý kerek. Memleket óziniń azamattarynyń quqyqtaryn qorǵaý kerektigin jetkizdi.   

–Bul týraly eshqandaı depýtat oılamady. Qazaqtar óz ornynda nyq turyp, óz jerinde birinshi bolýy kerek. Jerlesterimizdiń jaǵdaıyn ózimiz oılamasaq, basqa kimge qajet?, - dedi sóz sońynda Rahymbaev.