Almatyda jol polısıasynan qashqan toı kólikteri eki polısıa qyzmetkerin qaǵyp ketti dep habarlaıdy Qamshy.kz aqparat agenttigi qalalyq polısıa departamentine silteme jasap. 

Polısıadaǵylardyń aıtýynsha, keshke keshkisin ál-Farabı dańǵylynda Ákimshilik polısıa basqarmasy mamandandyrylǵan jol-kólik polısıasy batalóny qyzmetkerleri jol erejesin óreskel buzǵan kólikter kortejiniń izine túsedi. 

“Alǵash ret polısıa olardy Jarokov kóshesi boıynda toqtatýǵa tyrysady. Biraq olar ony elemeı aǵyzyp óte shyǵady. Odan soń jol erejesin buzýshylardy ustaý úshin Atakentke shyǵatyn jol jabylady. Alaıda bul shekteý de olardy toqtata almady. Osy arada "Toıota Kamrı" kóligi polısıa leıtenanty Maqsat Qılybaevty qaǵyp óte shyqqan. Qılybaev keri sheginip úlegerdi. Osy kortejge tıesili "Lada Priora" kóligin toqtatpaq bolǵan polısıa kapıtany Jandos Buǵalov ta zardap shekti. Onyń tizesine qatty zaqym kelgen, biraq ol aýrýhanaǵa barýdan bas tartqan. Kapıtandy qaqqanymen qoımaı " Lada Priora" polısıanyń qyzmettik kóligin de ıtere ótip ketti. Báribir olar onyń izine túsip, Saharıev kóshesinde toı kólikteriniń úsheýiniń de jolyn japty. Kólikterde "Qyz uzatý" toıynan qaıtyp kele jatqan tola jastar bolǵan, onyń ishinde qalyńdyq ta bar”, - deıdi Almaty polısıa departamenti Ákimshilik polısıa basqarmasynyń bastyǵy Jandos Muratálıev.