Túrkistan oblystyq polısıa qyzmetkerleri 9 keli marıhýana saqtady degen aıyppen mektep muǵalimin ustady dep habarlaıdyQamshy.kz aqparat agenttigi oblystyq polısıa departamentine silteme jasap.

«Kóknár-2019» jedel-profılaktıkalyq is-sharasy barysynda Túrkistan oblysynyń polıseıleri asa iri mólsherde esirtki zatyn saqtaǵan azamatty ustady.

Báıdibek APB-ne aýdandyq mektepterdiń birinde tarıh páninen sabaq beretin jergilikti turǵynnyń óz úıinde esirtki zatyn asa iri mólsherde zańsyz saqtaǵany týraly habarlama kelip túsken. Habarlama barysynda tez arada Túrkistan oblysy PD EBQİQB, KPB, Báıdibek APB-niń tájirıbeli polıseılerinen tergeý toby qurylyp, júıeli túrde arnaıy jedel izdestirý is-sharalaryn júrgizedi. 

Nátıjesinde, polıseıler kúdikti retinde Báıdibek aýdanynyń jergilikti turǵyny, mektepterdiń birinde tarıh páninen sabaq beretin azamatty ustady. Úıdi tintý barysynda kúdikke ilingen azamattyń turǵyn-úıiniń aldynda ornalasqan saraıdyń ishinen 9 paketke salynǵan esirtki zatyna uqsas sómke tárkilenip alyndy. Taǵaıyndalǵan esirtki quraldardy, psıhotroptyq zattardy, analogtardy jáne prekýrsorlardy sot-saraptamanyń qorytyndysyna sáıkes, pakettermen usynylǵan esirtki quraly – keptirilgen marıhýana bolyp shyqty. Keptirilgen marıhýananyń jalpy qaptaýsyz salmaǵy – 9 kg-nan astam. 

Atalǵan jaıt boıynsha QR QK-niń 296-baby 4-bóligi boıynsha « Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» tirkelip, kúdikti qamaýǵa alyndy. Sotqa deıingi tergeý amaldary júrgizilýde. 
Qazirgi tańda, Túrkistan oblysy polıseıleri kúdiktiniń, asa iri mólsherdegi esirtki zatyn ózinde qandaı maqsatpen saqtaǵanyn anyqtaýda.