QR İshki ister mınıstri Erlan Turǵymbaev Teńizdegi jaǵdaıǵa baılanysty birneshe qylmystyq is qozǵalǵanyn aıtty dep habarlaıdy Qamshy.kz aqparat agenttigi Zakon.kz saıtyna silteme bere otyryp.

 – Dene jaraqatyn salý men buzaqylyq boıynsha birneshe qylmystyq is qozǵaldy, – dedi ol.

Onyń sózinshe, árbir qylmys quramy boıynsha naqty qatysýshylar bar.

 – Bir kúdikti ustaldy, taǵy birneshe adam kúdiktiler tiziminde bar. Árqaısysynyń jaýapkershiligi qatysýyna baılanysty anyqtalady, – dep naqtylady mınıstr.

– Qansha adam jaýapqa tartylady?

– Naqty qansha adam ekenin ázirge aıta almaımyn. Tergeý aıaqtalǵan soń aıtamyn.

– Teńizde polıseılerdiń aralasýymen sheteldikterdi áketip jatqan vıdeo júr. Ol ras pa?

– Eshkimdi áli áketken joq, olar jumys istep jatyr.