Atyraýdaǵy qaqtyǵystan zardap shekken ıordanıalyqtar bolǵan oqıǵanyń mán-jaıyn túsindirdi dep jazady Qamshy.kz aqparat agenttigi en.royanews.tv saıtynyń deregin negizge alyp. 

Aıta ketsek, ıordanıalyqtar men lıvandyqtar 2 shildede elderine oralǵan bolatyn. 

Injener Fadı Bakaın qaqtyǵystyń qalaı bastalǵanyn aıtyp berdi. 

— Qaqtyǵys senbi kúni tańerteń bastaldy. Adamdar jınalyp, narazylyq bildirdi. Sol kezde barlyq sheteldik qyzmetkerlerdi avtobýsqa mingizip, oqıǵa ornynan alys jerge apardy. Bizdi de úsh avtobýstyń birine otyrǵyzdy. Keıin bizdi qazaqtar aıamaı uryp-soǵa bastady, - deıdi Fadı Bakaın. 

Sonymen birge Fadı óziniń ne sebepti taıaq jep jatqanyn túsinbegenin aıtty. 

— Alǵashynda bári túsiniksiz boldy. Ne sebepti qazaqtar bizdi uryp-soqqanyn sońyna deıin túsinbedik. Sóıtse, qaqtyǵysqa áleýmettik jelide taralǵan sýret sebep bolǵan eken. Biz ony keıin bildik.

Sondaı-aq sheteldik jumysshy áleýmettik teńsizdiktiń bolmaǵanyn aıtty. 

— Osyǵan deıin dırektorlar men jumysshylar birge tamaq ishedi. Eshqandaı alalaýshylyq bolmady, - deıdi zardap shekken ıordanıalyq azamat.