Prezıdenti Qasym-Jomart Toqaev kvazımemlekettik sektor sýbektilerin qurýǵa moratorıı engizý týraly qaýlyǵa qol qoıdy dep habarlaıdy Qamshy.kz aqparat agenttigi Aqorda saıtyna silteme jasap.

Prezıent memlekettiń kásipkerlik qyzmetke qatysýyn qysqartý jáne jekeshe sektordy damytýǵa jaǵdaı jasaý maqsatynda qaýly etti: 

1. 2020 jylǵy 31 jeltoqsanǵa deıin kvazımemlekettik sektor sýbektilerin qurýǵa moratorıı engizilsin, oǵan mynalar:

1) qyzmetin áleýmettik salada jáne (nemese) eldi mekenderdiń tynys-tirshiligin qamtamasyz etý salasynda júzege asyratyn zańdy tulǵalar;

2) jumys istep turǵan zańdy tulǵalardy qaıta uıymdastyrý (biriktirý nemese qaıta qurý) jolymen ońtaılandyrý sheńberinde qurylatyn zańdy tulǵalar;

3) jarǵylyq kapıtalynda daýys beretin aksıalarynyń elý jáne odan da az prosenti (qatysý úlesi) kvazımemlekettik sektor sýbektilerine tıesili bolatyn aksıonerlik qoǵamdar (jaýapkershiligi shekteýli seriktestikter);

4) Qazaqstan Respýblıkasy Prezıdentiniń tapsyrmasy jáne (nemese) kelisimi boıynsha qurylatyn zańdy tulǵalar qosylmaıdy.

2. Qazaqstan Respýblıkasynyń Úkimeti jergilikti atqarýshy organdarmen jáne kvazımemlekettik sektor sýbektilerimen birlesip, sondaı-aq Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar osy Jarlyqty iske asyrý boıynsha qajetti sharalar qabyldasyn.

Jarlyq alǵashqy resmı jarıalanǵan kúninen bastap qoldanysqa engiziledi.