BI Group basshysy Aıdyn Rahymbaev óziniń áleýmettik jelidegi paraqshasynda asqanada uıyqtap jatqan qyzynyń sýretin jarıalady dep jazady Qamshy.kz aqparat agenttigi.

"Bul – meniń qyzym. Qazir ózge atpen, ózge tekpen jumysshylarǵa tamaq jasalatyn asqanada aspazdyń kómekshisi bolyp jumys jasap júr. Aspazdyń ózi ydys jýyp, kartop ashyp júrgen qyzdyń kimniń balasy ekenin bilmeıdi. Sondyqtan, eki aptadan beri olardy 12 saǵattyq jumys rejımimen jumsaýda. Tańerteńnen bastap 50 keli kartop, 14 keli pıaz, 16 keli sábiz arshý, basqa da nárseler pisirýi qajet. Kúnine 200-den astam ydys jýý kerek. Uıqysy qanbaı, sharshap júr. Biraq 14 jastan bastap jumys jasaý - bizdiń áýlettiń daǵdysy.

Men bul týraly "áriptesterim bilip qoıyp, jumys jasatpaı qoıady" dep jazbaı kelgenmin. Biraq ekinshi qyzym Amına osy fotony jibergende, shydaı almadym. "Uıyqtaı aldyń ba?" dep surap edim, "Qaıdaǵy! Maral táte ydysty jýyńdar dep aıqaılady!" dep jaýap berdi. 

...Árıne, balalaryma janym ashıdy. Biraq osy istegen jumysy keıin ómirlerinde úlken kómek bolady dep sanaımyn. Úsh balamnyń tájirıbesi týraly keıinirek tolyq jazamyn. Ulym da basqa tekpen 9 qabatta tas qalaýshynyń brıgadasynda jumys jasap júr", - delingen jazbada. 

Jeli qoldanýshylary Aıdyn Rahymbaevqa alǵys aıtyp, balalarynyń eńbekqorlyǵyna tánti bolǵandaryn jasyrmady.