Chevron kompanıasynyń prezıdenti QR Eńbek jáne halyqty áleýmettik qorǵaý mınıstri Berdibek Saparbaevqa basshylyq quramdaǵy qazaqstandyq mamandardyń sanyn kóbeıtýge sóz berdi dep jazady Qamshy.kz aqparat agenttigi.

"3-shilde kúni QR Eńbek jáne halyqty áleýmettik qorǵaý mınıstri Berdibek Saparbaev Eýropa, Eýrazıa jáne Taıaý Shyǵystaǵy munaı barlaý kompanıasy Chevron basshysy Todd Levımen kezdesip, halyqtyń áleýmettik ahýaly jáne qaýipsizdigi jónindegi birqatar suraqtardy talqylady. Teńiz mańyndaǵy halyqtyń ahýalyn jaqsartyp, basshylyq quramǵa qazaqstandyq azamattar tartylady dep sendirdi Todd Levı", - delingen QR Eńbek jáne halyqty áleýmettik qorǵaý mınıstrliginiń baspasóz qyzmeti jarıalaǵan málimdemede.

Mınıstr Teńiz munaı óndirý oshaǵyndaǵy barlyq jaǵdaı qatań qadaǵalanatyny týraly aıtyp ótti.

"Eń mańyzdysy – QR zańdarynyń tabanǵa taptalmaýy. Qazaqstandyq jáne sheteldik jumysshylar arasyndaǵy jalaqy jáne jalpy jaǵdaı boıynsha bólip-jarýdyń bolmaýy", - dedi Saparbaev.

Levı óz kezeginde birge eńbek etetin áriptester arasyndaǵy qarym-qatynasty retteý maqsatynda tárbıe jumystary júrgiziletinin aıtty.