Shyǵys Qazaqstan oblysynyń Tarbaǵataı aýdanynda osy óńirdegi tuńǵysh ashylǵan balalar teatry jumys istep tur. Ony óziniń týǵan jerinde kópshilikke esimi tanys akter, rejıser Beıbit Qusanbaev ashyp, jetkinshekterge bekzat ónerdiń qyr-syryn úıretýde dep habarlaıdy . 

– Nur-Sultan qalasynda eńbek etken jaqsy árıne, biraq eldi, týǵan jerdi saǵynady ekensiz. Onyń ústine, jıǵan-tergen tájirıbemdi, bilimimdi aýyl balalaryna arnap, týǵan elden  balalar teatryn ashýdy qaladym. Sóıtip eldegi aǵaıyndardyń qolqalaýymen Tarbaǵataı aýdandyq mádenıet úıiniń janynan «Tamshy» balalar teatryn ashyp, jumys istep jatyrmyz. Balalardan quralǵan tobymyzben birqatar ertegi qoıyp, qaıyrymdylyq konsertter uıymdastyryp úlgerdik, – deıdi Beıbit Qusanbaev.  

Onyń aıtýynsha, «Tamshy» teatry bul kúnde 60-tan astam balanyń basyn qosyp otyr. Elimizde alǵashqy bolyp osy teatrda estradalyq vokal úıirmesi ashylǵan. Odan bólek balalardan quralǵan hor bar. 

– Buıyrtsa, bolashaqta bizdiń teatrymyz oblys aýdandary arasyndaǵy eń aýqymdy balalar ujymy bolady. Muny áli eshkim durys túsine qoıǵan joq. Túsine bilgen adamǵa balalar teatry – úlken rýhanı ortalyq, – deıdi Beıbittiń ózi. 

Astanany aýylǵa aıyrbastap, týǵan jerin túletýge, aýyldaǵy qaradomalaqtardy ónerge baýlýǵa belin bekem býǵan Beıbit Qusanbaevtyń Tarbaǵataıdan «Tamashadaı» teatr ashýyn rýhanı jańǵyrýdyń jarqyn úlgisi dep qabyldadyq.