Belsendi Kamıla Shoqanova Almaty ákimdigi aldynda Senat tóraǵasy Darıǵa Nazarbaevanyń laýazymynan bosatylýyn talap etti dep habarlaıdy Qamshy.kz aqparat agenttigi Vlast.kz saıtyna silteme jasap.

"Mende DSP derti bar. Álemde aýmaǵy boıynsha toǵyzynshy elde Senat tóraǵasy meni kemis dep esepteıdi. Men Darıǵa Nazarbaevanyń laýazymynan bosatylýyn talap etemin. Barlyǵymyzdyń kózimiz ashyq bolǵan kezde ǵana bizdiń elge demokratıa keledi. Qazirgi tańda, túrmede múgedektik alǵan Muhtar Jákishev otyr. Ony bosatý kerek", - dedi Shoqanova.

On mınýttan keıin Almaty qalasy áleýmettik ál-aýqat basqarmasynyń jetekshisi Rahat Shımasheva belsendige ákimdik ishine kirip, búkil problemalardy talqylaýǵa shaqyrdy. Biraq, Shoqanova odan bas arttyp, tek Darıǵa Nazarbaevamen ǵana sóılesetinin jetkizdi.

Bİrshama ýaqyttan keıin, ákimdikke polısıa ókilderi keldi. Olar boıjetkenniń plakat pen kýáligin alyp, ony Bostandyq aýdandyq ishki ister basqarmasyna alyp ketti.