Memleket basshysy Ekologıa, geologıa jáne tabıǵı resýrstar mınıstri Maǵzum Myrzaǵalıevti qabyldady dep jazady Qamshy.kz aqparat agenttigi Aqorda saıtyna silteme jasap.
Memleket basshysy qatty turmystyq qaldyqtarǵa qatysty máselelerdi sheshý, sonyń ishinde synaq alańdaryn ekologıalyq jáne sanıtarlyq talaptarǵa sáıkestendirý, sondaı-aq, qatty turmystyq qaldyqtardy shyǵarý jáne qaıta óńdeý salasynyń ınvestısıalyq tartymdylyǵyn kúsheıtý qajettigin aıtty.
Qasym-Jomart Toqaev sý jáne ósimdik álemin qorǵaý, brakonerlikpen jáne ormandy zańsyz otaýmen kúres júrgizý máseleleri aıryqsha baqylaýda bolýy tıis ekenine toqtaldy.
Sonymen qatar, Qazaqstan Prezıdenti halyqtyń ekologıalyq mádenıettiligin arttyrýǵa jáne qorshaǵan ortany qorǵaý jumystaryna eriktilerdi tartýǵa shaqyrdy.
Pikir qaldyrý