Qazaqstannyń eks-mádenıet jáne sport mınıstri Arystanbek Muhamedıuly el prezıdenti Qasym-Jomart Toqaevtyń ókimimen Qazaqstan Respýblıkasynyń Ulttyq mýzeıiniń dırektory qyzmetine taǵaıyndaldy dep habarlaıdy Qamshy.kz aqparat agenttigi. Bul týraly Aqordanyń resmı saıtynda jazyldy.

Muhamedıuly óziniń eńbek jolyn 1984 jyly Jambyl atyndaǵy Qazaq memlekettik fılarmonıasynyń memlekettik sımfonıalyq orkestriniń artisi bolyp bastaǵan. 1991-1993 jyldary aralyǵynda Mádenıet mınıstrliginde maman boldy. 1993 jyly QR Mádenıet mınıstriniń kómekshisi bolyp taǵaıyndaldy. Ár jyldary QR prezıdentiniń orkestrinde qyzmet atqardy. Sonymen qatar «Qazaq áýenderi» AQ-na basshylyq etti.

2006 jyly QR Mádenıet jáne aqparat vıse-mınıstri bolyp jumys jasady. Sondaı-aq ol QR prezıdenti ákimshiliginiń ishki saıasat bóliminiń mádenıet sektorynyń meńgerýshisi bolǵan.

2008 jyldan beri T.Júrgenov atyndaǵy Qazaq ulttyq óner akademıasynyń rektory qyzmetin atqarǵan.

2014 jylǵy 14 naýryzdan - QR sol kezdegi prezıdenti N. Nazarbaevtyń Jarlyǵymen QR Mádenıet mınıstri qyzmetine taǵaıyndaldy.

2014 jylǵy 12 tamyzdan 2019 jyldyń 17 maýsymyna deıin Qazaqstan Respýblıkasynyń Mádenıet jáne sport mınıstri boldy.