Almatylyq zoobaqta arystan ólip qaldy dep habarlaıdy Qamshy.kz aqparat agenttigi.

Bul týraly zoobaq dırektory Vácheslav Banshıkov aıtty.

"Bizge berilgen kishkenteı arystanymyz qaza tapty", - dedi Banshıkov.

Esterińizge sala keteıik, 10-shilde kúni zoobaqty Almaty ákimi Baqytjan Saǵyntaev aralaǵan bolatyn. Haıýanattardy ustaýǵa jáne olardyń densaýlyqtaryna qatysty máseleler jaıly oıyn bildirdi.

"Almatynyń haıýanattar parkinde boldym. Sol jerde istiń jaǵdaıymen tanystym. Haıýanattardy ustaýǵa jáne olardyń densaýlyqtaryna qatysty sheshimin kútken máseleler bar. Munda kelýshiler men park qonaqtarynyń durys kóńil kóterýleri jáne tynyǵýlary úshin onyń aınalasyn abattandyrý, jaıly oryndar jasaý kerek. Medpýnktterdiń, ana men bala bólmesiniń, zamanaýı balalar qalashyǵynyń bolǵany jón. Toǵandar men haıýanttar valerlerin jóndeý qajet. Almatynyń haıýanattar parkiniń qurylǵanyna 80 jyldan astam ýaqyt ótse de ol únemi qalalyqtar men balalardyń súıikti orny bolyp keldi jáne solaı bolyp qala beredi!", - dedi Almaty ákimi.