Tanymal aqyn Rınat Zaıtovtyń ákesi Rıfhat Zaıtov jýrnalıserge suhbat berip, uly jaıly kópshilik bile bermeıtin qupıalarmen bólisti dep jazady Qamshy.kz aqparat agenttigi Kyn.kz saıtyna silteme berip. 

"Rınat dúnıege keletin kezde de qyzyq boldy. Ol otbasyndaǵy tórtinshi perzent. Anasy úsh baladan qınalǵan bolar, osyǵan kelgende dúnıege ákelgisi kelmedi. Sodan men qarsylyq tanytyp, bala 1983 jyly dúnıe esigin ashty.

Ol kezde qıynshylyq kezeń bastalǵan sát. Biraq balany perishtesi qaǵady deıdi ǵoı, kez-kelgen qıyndyqtan Rınat áıteýir joly bolıyp shyǵyp ketetin.

Ol mektep oqyp júrgen kezde anasymen ajyrastyq. Eshqandaı urys bolǵan emes. Osylaı dastarhan basynda sóılesip, kelisimge kelip bir kostúmmen úıden shyǵyp kettim.

Rınattyń aldyndaǵy úsh balam qarsy boldy ajyrasýymyzǵa, renishterin aıtyp jatty. Rınat bir aýyz qatty sóz aıtqan emes betime. Sodan olar Semeıge kóship ketti. Sol jaqta onyń aldynan basqa adamdar jolyqty. Seri, aqyn kisiler oǵan jol kórsete bastady.

Men aıtam oǵan "Ózimmen qalǵanda men on bir bitirter edim, múmkin basqa salada adastyrar edim" ár zattyń qaıyry bar, otbasyndaǵy qıyndyq Rınatty tárbıeledi dep oılaımyn. Sodan ol bala kúninen aımaqtaǵy eldiń aýzyna iline bastady.

Ózim joldastar arasynda ázil, sharj jazyp turamyn. Ony Rınat jattap alyp elge oqıtyn. Sodan joldastar keıde renjip jatatyn. Elge jaıylady ǵoı endi. Rınattyń este saqtaý qabileti myqty bolatyn",- deıdi ákesi.

Ákesi aldyńǵy eki ulyn uryp tárbıelegenimen Rınatty esh uryspapty.

"Aldyńǵy eki uldy uryp, soǵyp ósirdim. Qatal boldym. Rınatty urmaq turmaq, urysqan emespin. Oǵan aqyndyq, serilik atalarynan kelgen.

Ózimniń babalarym kezinde tanymal aqyn bolǵan. Rınatty saıasılanyp ketken deıtinder bar. Men mektepte oqý isi boıynsha meńgerýshimin. Ulyma «Keıde dırektordyń isi durys bolmaıdy. Biraq, men oǵan ony betine aıta almaımyn" deıtinmin.

Kerek kezde sheginis jasap, bir saty tómen túsýge bolatynyn aıtqanmyn. Endi bala ózi sheshim shyǵarady, ne sóılese de.

Men óz paryzymdy jasadym. Biraq, keıde Rınatpen sóılesip otyrsań, arasynda patshany maqtan tutady. Halyq ózi Rınattan bılikke qarsy adam jasap alǵan sıaqty. Rınat negizi bılikke emes, bıliktiń qateligine qarsy adam. Ol qatelikti Nazarbaev emes, aınalasyndaǵylar jasap júr. Syn aıtpaı min túzelýshi ma edi? Ol durys aıtqan», - dedi aqynnyń ákesi Rıfhat Zaıtov.