Jas qalamgerlerge arnalǵan "Otanym, saǵan aıtamyn" atty prozalyq onlaın-baıqaýyna shyǵarmalar qabyldaý 20 shilde kúni aıaqtalady dep habarlaıdy Qamshy.kz aqparat agenttigi tengrinews.kz saıtyna silteme jasap.

2019 jylǵy Jastar jylyna oraı Massaget.kz portaly ERG kompanıasynyń qoldaýymen jas talanttardy jaryqqa shyǵarý, shyǵarmashylyǵyn qoldaý maqsatynda 15-29 jas aralyǵyndaǵy jas qalamgerler arasynda "Otanym, saǵan aıtamyn" atty prozalyq onlaın-baıqaýyn jarıalaǵan bolatyn.

Baıqaý maqsaty - egemen eldiń erteńi sanalatyn jastar arasyndaǵy otan túsinigin qalyptastyrý, patrıottyq sezimin oıatyp, qulashyn keńge jaıǵan búgingi táýelsiz elimizdiń jetistikterin baıandaý, nasıhattaý, jas qalamgerlerdi qoldaý jáne shyǵarmashylyǵyn damytý.

Qatysýshylardyń esseleri baikaumassaget@gmail.com poshtasyna 2019 jyldyń 24 mamyrynan bastap túse bastady. Osy ýaqytqa deıin 100-den artyq jas jazýshylar óz jumystaryn orys jáne qazaq tilderinde jiberip úlgerdi.

İrikteýden ótken shyǵarmalar Massaget.kz jáne Tengrinews.kz portaldarynda jarıalandy jáne Juldyz FM men Tengri FM efırinde oqyldy.

Otan taqyrybyndaǵy úzdik proza (esse, áńgime) boıynsha tómendegideı júldeler taǵaıyndalǵan:

1-oryn 300 000 teńge;

2-oryn 150 000 teńge;

3-oryn 100 000 teńge.

20 shildede shyǵarmalar qabyldaý ýaqyty aıaqtalǵannan keıin aldaǵy 5 kúnde ádilqazylar sheshimimen jeńimpazdar anyqtalady.

Baılanys telefony: 8 (727) 388-81-22