Jylda  24 shildede Halyqaralyq ózińe qamqorlyq kórsetý kúni (International Self-Care day) atalyp ótiledi. Bul kúnniń mańyzdylyǵyn aıta otyryp, Danone kompanıasy BAQ ókilderine qazaqstandyqtardyń sút ónimderin tutyný kórsetkishterimen bólisti dep jazady Qamshy.kz aqparat agenttigi.

Qazaqstandaǵy Danone kompanıasynyń sarapshylarynyń aıtýy boıynsha, elimizde sút ónimderin az tutyný saldarynan osteoporoz dertiniń (súıekti zaqymdaıtyn sozylmaly júıeli aýrý) keńinen taralýy múmkin. Resmı málimetke súıensek, qazaqstandyqtardyń sút ónimderin paıdalaný kórsetkishi kúnine 700 gramdy nemese eresek adamdarǵa shaqqandaǵy mınımaldy táýliktik kórsetkishtiń 79%-yn quraıdy. Dárigerler Qazaqstandaǵy osteoporoz dertiniń 2012 jyldan bastap 8 márte* óskenin aıtady.

Aǵzanyń turaqty qyzmet etýi úshin adamzat balasyna kúndelikti kálsı men ózge mıkroelementerdiń tolyqtyrý qajet. Aǵzaǵa qajetti elementterdiń barlyǵy sút ónimderinde bar. Sút ónimderiniń úsh ólsheminde kálsıdiń táýliktik kóleminiń 80%-y jáne 250-ge jýyq paıdaly elementter bar.  Adamzat balasy úshin eń mańyzdysy – ol amınoqyshqyldarǵa toly sút aqýyzy.

Dinmuhamed Aısaýtov, Qazaqstan, Ortalyq Azıa jáne Kavkaz elderindegi Danone kompanıasynyń korporatıvtik baılanys jónindegi dırektory, dırektorlar keńesiniń múshesi: «Bıyl bizdiń kompanıa alǵashqy ıogýrt ónimin shyǵarǵanynan bastap 100 jyldyq mereıtoıyn atap otyr. Kompanıa men onyń álem boıynsha fılıaldarynyń basty ustanymy - "One planet. One health" («Bir álem. Bir densaýlyq»). Biz sapaly ári paıdaly ónimder arqyly álemdi ózgerte alamyz. Bul qazirgi zamandaǵy densaýlyqty nyǵaıtýdaǵy tamaqtaný men ómir saltyn ózgertýge baǵyttalǵan aýqymdy jumys»

Qazaqstan men Orta Azıa elderindegi tutynýshylardy sút ónimderimen tolyq qamtamasyz etý maqsatynda Danone-Berkut zaýyty jylyna 12 000 tonna taza ferma sútin qaıta óndiredi. Zaýyt jergilikti sharýa qojalyqtary men jeke fermalarǵa turaqty túrde qoldaý kórsetip, qyzmetkerlerge dáris sabaqtaryn júrgizip, sút ónimderiniń sapaly óndirisi boıynsha keńes berip, saqtaý men salqyndatýǵa qajetti óndiristi jabdyqtarmen qamtamasyz etedi. Taza sútpen qamtamasyz etetin 13 sharýa qojalyǵynyń jumys baǵalanyp, kompanıa standartyna sáıkes keletin 9 ferma tańdap alyndy. Osy 9 ferma zaýytqa turaqty túrde taza sútti jetkizedi.

«Bizdiń kompanıa úshin óndirilgen ónimniń sapasy men qaýipsizdigi basty orynda. Taza sútti qabyldap alýdan bastap, dúkendegi daıyn ónimge deıin óndiristiń barlyq kezeńinde bizdiń ónim birneshe mártelik sapa baqylaýyn ótkiziledi. Taza sút zaýytqa qabyldanyp, óndiriske jiberilmesten buryn ol sapa men qaýipsizdiktiń 17 parametri boıynsha synamadan ótkiziledi. Óndiris kezeńinde de daıyn ónim dúken sórelerine jetkizilmesten buryn 30-dan astam saraptama júrgiziledi,» - dedi Qazaqstandaǵy Danone zaýytynyń dırektory Vıktor Iýzefovıch.

Qazaqstandaǵy seriktestik pen bolashaq josparlar jaıynda aıtatyn bolsaq, kompanıa úshin aldaǵy jyldardaǵy basty maqsattardyń biri - áleýmettik jaýapkershilik pen ınvestısıalardy Almaty oblysyndaǵy sharýa qojalyqtaryn damytýǵa baǵyttaý.

Aqparattyq anyqtama:

Danone – álem boıynsha qyshqyl sút óndirisiniń kóshbasshysy jáne paıdaly taǵamdar óndirýshileriniń biri sanalatyn globaldy kompanıa. Álem boıynsha bes qurlyqtyń 120 elinde ornalasqan Danone bólimderinde 100 myńnan astam qyzmetker jumys isteıdi. Danone basty qaǵıdasy – «Taǵam arqyly neǵurlym kóp adamzat balasyna densaýlyq syılaý»

Qazaqstanda Danone kompanıasy 44 sút ónimin shyǵarady. Onyń ishinde Danone, «Aktıvıa», «Rastıshka», «Bio Balans» t.b. saýda belgileri bar. Reseı men TMD elderindegi kompanıanyń saýda aınalymy 100 mlrd rúblden asady.

Qazaqstanda óndiriletin sút ónimderi Kavkaz ben Orta Azıa elderinde usynylǵan.

Almaty oblysy ákiminiń orynbasary Baǵdat Saılanbaıuly Manzorov ta Almaty oblysy İle aýdanynda ornalasqan “Danone Berkut” mekemesine sapar jasap qaıtty. 

Baǵdat Mánzorov alǵashqy saparyn Almaty oblysynyń ekonomıkalyq kúretamyry sanalatyn İle aýdanynan bastady. İle aýdany boıynsha 250 ónerkásip nysany bar. Ónerkásibi qatty damyǵan, ınvestısıa jáne nalog jaǵynan aldyńǵy sheptegi aımaqtyń biri. 

2019 jyldyń 26 shildesinde Almaty oblysy ákiminiń orynbasary Baǵdat Saılanbaıuly Manzorov Almaty oblysy İle aýdanynda ornalasqan Fransıa kompanıasynyń «Danone» sút ónimderin shyǵaratyn zaýytyna arnaıy kelip, mekemeniń qyzmetimen tanysty. Baǵdat Saılanbaıuly óndiristiń tynys-tirshiligin kórip, qyzmetkerlermen kezdesti. Sapar barysynda Baǵdat Saılanbaıuly sútten shyǵarylatyn ónimniń sapasy men zaýyttyń tazalyǵyn joǵary baǵalap, mekeme ujymyna ıgi tilekter aıtty. Óz kezeginde Qazaqstan, Ortalyq Azıa jáne Kavkaz elderindegi Danone kompanıasynyń korporatıvtik baılanys jónindegi dırektory Dinmuhamed Aısaýtov Almaty oblysy ákiminiń orynbasaryna kásipkerler men jeke sharýashylyq qojalyqtaryna árdaıym kórsetiletin qoldaýy úshin alǵysyn bildirdi. «Biz úshin jergilikti bılik ókilderiniń kómegi óte mańyzdy. Árqashanda kez kelgen suraqtarǵa jaýap alyp, kómek-qoldaýyna alǵys aıtamyz!» - dedi Dinmuhamed Aısaýtov