Belgili kásipker Marǵulan Seısembaı zeınetaqy qory týraly, salyq týraly óz oıyn ashyp jazyp, zańdy tulǵalarǵa saýal joldady dep jazady Qamshy.kz aqparat agenttigi.
Marǵulan Seısembaı "Zańdalǵan tonaý" degen atpen jeke paraqshasynda jazba qaldyrǵan.
1. Zeınetaqy qory jóninde meniń bir suraǵym bar:
Bizdiń aqshamyzdy bolmaıtyn jobalarǵa uqypsyz shashatyn adamdarǵa biz nege taǵy da 5% qosymsha qarajat aýdarýymyz kerek?
Bizdiń zeınetaqy aqshamyzdy basqaratyn adamdardyń attaryn atap ótýin talap etemin.
2. Nege biz ár avtokólikten mıǵa sımaıtyn ýtılızasıalyq jıynyn tóleýimiz kerek? Onysy azdaı, endi aýyl sharýashylyq tehnıkasy úshin de tóleımiz. Sonda osy júzdegen mıllıon dollarlar jeke kompanıanyń shotyna tólenedi.
Bul fırmanyń qojaıyndarynyń atyn ataýyn talap etemin. Olar bizdiń júzdegen mıllıon dollar aqshamyzdy alýǵa laıyq bolatyndaı ne jasady?
3. Nege biz ár satyp alǵan kólikten reseıdiń bes tıyn paıdasy joq GLONASS júıesine mıllıondap aqsha tóleımiz? Nege basqa eldiń qatelikterin biz qarjylandyrýymyz kerek?
Bizge jemqorlyq, urlyq az bolǵandaı, taǵy salyq tárizdi mindetti tólemderdi moıynymyzǵa asyp qoıdy.
Úkimetke aıtarym - demalysqa ketip túk istemeńdershi eldi dúrliktirip bundaı sheshimderdi qabyldaǵansha.
Pikir qaldyrý